“Парламент” телевизэд ярилцлага өгөхдөө “Би Х.Баттулгын шүүхийн урилгаар Монголд очихгүй” гэж суусан экс Ерөнхийлөгч Ц.Элбэгдорж эх орондоо ирэхээр шийджээ.
Х.Баттулга, Ц.Элбэгдорж нар нэгэн цагт амин найзууд байсан. Амин найзуудын зөрчил хурцдаж, бие, биенээ хууль шүүхээр айлгах болсон. Ерөнхийлөгч Х.Баттулга прокуроруудын зөвлөгөөний үеэр Ц.Элбэгдоржийг Тавантолгойн асуудлаар шалгуулахыг хүссэн 170 гаруй хуудас “матаас” барьж гүйсэн. Ямар ч байсан хууль дуудсан цагт зангиагаа зүүгээд очно гэж явсан Ц.Элбэгдорж Х.Баттулгын шүүхийн урилгаар очихгүй гэсэнд олон хүн шүүмжлэлтэй хандсан. Э.Бат-Үүл “Ц.Элбэгдорж ирж тэмцэх хэрэгтэй” гэв.
Х.Баттулга Ерөнхийлөгч болсноос хойш хууль хүчнийхэн М.Энхсайхан, Ц.Элбэгдорж, С.Баяр, Ч.Сайханбилэг, Ж.Эрдэнэбат зэрэг Монгол Улсын Ерөнхий сайдаар ажиллаж байсан таван хүнийг яллагдагчаар татаад байгаа билээ. Ямар ч байсан Ц.Элбэгдорж эх орондоо удахгүй ирэхээр болжээ. Тэрбээр “Нэн шаардлагатай иргэдээ авч ирнэ гэж” УОК мэдэгджээ. “Нэн шаардлагатай иргэд” гэдэгт миний бие багтана гэж итгэе. Зарим хурал, уулзалт цуцлагдаж, хойшилж, ажил цэгцэрч байна. Вирусийн тархалт ихтэй газраас холдоод, өөрийгөө карантилж хугацаа тоолоод нутаг руугаа ойртож явна” гэж жиргэжээ.