2024.02.28, Лхагва
spot_img
НҮҮР1ГССҮТ: Гурван хүний бие маш хүнд байна

ГССҮТ: Гурван хүний бие маш хүнд байна

 Баянзүрх дүүргийн 26 дугаар хороо Дүнжингаравын уулзварт 60 тонн газ тээвэрлэж явсан автомашин осол гаргаж, дэлбэрсний улмаас онцгой байдлын гурван албан хаагч газар дээрээ нас баржээ. Мөн ослын улмаас 14 хүн түлэгдэж, эмнэлэгт хүргэгдсэн бөгөөд энэ талаар Түлэнхийн төвөөс мэдээлэл өглөө.

Түлэнхийн төв дээр 14 хүн хүргэгдэн ирснээс дөрвөн иргэн анхны тусламж аваад буцсан байна. Харин таван хүн эрчимт эмчилгээний тасагт, мөн таван хүн энгийн тасагт хэвтэн эмчлүүлж байгаа юм байна.

Эрчимт эмчилгээний тасагт эмчлүүлж байгаа хүмүүсийн биеийн 80-90 хувь нь түлэгдсэн буюу III-IV зэргийн түлэгдэлтэй биеийн байдал нь маш хүнд байгаа аж.

Түлэгдэж ирсэн иргэд гал гарсан бүсийн яг хаана явж байгаад түлэгдсэнийг одоогоор тогтоогоогүй байгаа гэдгийг Түлэнхийн төвөөс мэдээлэв.

Энгийн тасагт байгаа хүмүүсийн ерөнхий биеийн байдал тогтвортой байгаа юм байна. Түлэнхийн төв дээр ирсэн иргэдийн ихэнх нь 103-ын яаралтай тусламжаар ирсэн. Зарим иргэд замын унаагаар хүргэгдэж ирсэн учир цаг алдаж тусламж авсан хүн байхгүй гэв.

Одоогийн байдлаар түлэгдсэн иргэдэд шарх цэвэрлэгээ, боолт, мэс заслын эмчилгээ хийгдэж байгаа ба нийт түлэгдэж ирсэн иргэд бүгд эрэгтэй, 19-50 гаруй насны хүмүүс ба бага насны хүүхэд түлэгдээгүй юм байна.

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!