2024.02.28, Лхагва
spot_img
НҮҮРПопулист МэдээТэнэг хүний дуугүй нь сүртэй л гэдэгсэн

Тэнэг хүний дуугүй нь сүртэй л гэдэгсэн

Бяр байхад ухаанаар яах вэ гэдгийг яруу тодоор харуулж байгаа хүн бол УИХ-ын гишүүн Б.Бат-Эрдэнэ. Мөн бөх бол төр бишээ гэдгийг буй биеэрээ батлаж байгаа нэгэн. Монголын төрд түүний хийсэн гай нь гавъяанаасаа олон. Уг нь тэнэг хүний дуугүй нь сүртэй гэдэгсэн. Гэтэл тэрбээр  Хөрөнгө оруулалтын тухай шинэчилсэн төслийг эсэргүүцэн хэвлэлийн бага хурал хийхдээ “Монголын байгалийн баялгийг цөлмөдөг байдал үеийн үед байсан. Байгалийн баялгийн эзэн орон ямар нэгэн мөнгө төлөхгүйгээр шууд авах хуулийн зохицуулалтыг устгаж Оюутолгойн 34 хувьд нь монголчууд зээлээр худалдаж авах гэрээг С.Баяр, С.Баярцогт, Ч.Сайханбилэг, Ц.Элбэгдорж зэрэг тэр үеийн ажил хариуцаж байсан хүмүүс хийсэн.

Яаж ч ядарсан орон гэрээрээ тоглож болдоггүй юм шүү гэж аав ээж захиж ирсэн. Түүнтэй адилхан улсын хувьд газартай холбоотой асуудал дээр анхаарах хэрэгтэй.

Мөн Тавантолгойд онцгой дэглэм тогтоож, Бүрэн Эрхт Төлөөлөгчөөр төрийн албаар мэргэшсэн залууг аваачиж тавьснаар бүх юм нь цэгцэрч, гурав орчим их наяд төгрөгийн ашигтай ажиллаад ард иргэддээ хувьцаа олгох асуудлыг яриад байна шүү дээ.

Төрийн өмчит компаниуд муу гэдэг байдлаасаа холдох хэрэгтэй. Бүх юмыг болохгүй байна гэх нэрийн доор хувьчилж авдаг. Хөтөлийн цемент үйлдвэрийг зориуд дампууруулаад хувьчлаад авчихсан. Хувьчилсныхаа дараа юу ч хийгээгүй, цөлмөсөн” гэв. Харин түүнийг С.Баяр үгүйсгэж, “2009 онд ОТ төсөл УИХ-р хэлэлцэхэд ЕС байсан би “Энэ 34% авч яах юм. Гарах бүх зардлын 1/3. Бидэнд тийм мөнгө алга. Зээл авна, өрөнд орно. Тэрний оронд АМНАТ-аа ахиухан авъя. УУ төсөл угаас эрсдэлтэй” гэхэд хэсэг гишүүд түрсээр байгаад хувьцааны 34% заавал авах тухай УИХ-ын 57-р тогтоол баталсан. Энэ гишүүн тэгэхэд “бүр 51% авах ёстой” гэж байв. Энэ тухай “60-60” номонд тодорхой бий. Одоо буруутан нь ЕС асан би. “Цагийг эзэлсэн их аварга” бол буянтан. Хувь заяаны шоглоомоо гэж…”  хэмээн нүүр номоороо хариу барьжээ.

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!