Сүхбаатарын талбайн өмнөх “Хонхтой цэцэрлэг”-ийг 3.2 тэрбумаар тохижуулахаар Улаанбаатар хотын захирагч С.Амарсайхан шийдвэрлэсэн бөгөөд энэ нь иргэдийн эсэргүүцэлтэй тулгараад буй.
Гэсэн ч хотын дарга бууж өгөхгүй, улстөржих тусам ажлаа хийнэ гэдгээ мэдэгдсэн. Тэгвэл түүний энэ үйлдлийг олон нийтийн сүлжээнд эсэргүүцэх хүмүүс олон байгаа бөгөөд “Дайрах тусам тайрна” гэх хэлц үг хүртэл гарсан байна. Үүний өмнө хотын даргын хамаарал бүхий компани Туулын бургасыг сүйтгэсэн асуудал нь сөхөгдөж, өнгөрсөн жилийн өдийд бөөн дуулиан тарьж байв. Энэ талаар тэрбээр “Оюуны ундраа групп 1700-1800 гаруй ажилтантай. Би НИТХ-ын дарга болсноос хойш компанийн үйл ажиллагаанд оролцолгүй хоёр жил болж байна. Олон мянган хүнтэй компанийн ажилтнуудыг бүртгэх боломж байхгүй учраас би одоо мэдээлэл өгөх боломжгүй” гэсэн тайлбар хэлж байна.
Ямартай ч коронавирусийн тархалтаас хамгаалж, улс орнууд эмнэлэг барьж байхад манайх цэцэрлэг барьж байгаа нь хотын дарга ийм мэдрэмжгүй юу эсвэл “идэж уух” асуудал яригдав уу гэдэг нь анхаарал татаж байна.