2024.05.30, Thursday
spot_img
НҮҮРУлс ТөрМалаа эрүүл, махаа магнаг, малчныг баян болгох Ерөнхийлөгчийн төсөл!

Малаа эрүүл, махаа магнаг, малчныг баян болгох Ерөнхийлөгчийн төсөл!

Малаа эрүүл, махаа магнаг, малчныг баян болгох Ерөнхийлөгчийн төсөл!
Магнаг гэдэг нь үнэтэй торгыг хэлдэг. Махаа магнаг болгоно гэдэг үнэтэй болгоё гэсэн санаа. Монгол Улс 70 сая гаруй толгой малтай. Гэвч нийт эдийн засгийн дөнгөж 15 хувийг мал аж ахуйн салбар бүрдүүлж байна.
Эдийн засгаа солонгоруулах экспортын бүтээгдэхүүний хэмжээ, төрлийг нэмэгдүүлэх, хүнсний аюулгүй байдал, хангамжийг сайжруулах зорилгоор Төрийн ордонд байгуулсан “Хүнсний хангамж, аюулгүй байдал-Мал аж ахуй” сэдэвт үндэсний чуулган болсон.
Мал аж ахуйн салбарын хувьд малын удмын санг хамгаалах, бэлчээрийн менежментийг сайжруулах, усан хангамжийг нэмэгдүүлэх, эрчимжсэн мал аж ахуйг тохиромжтой бүс нутагт хөгжүүлэх, мал, амьтны халдварт болон гоц халдварт өвчнөөс урьдчилан сэргийлэх, бүрэн хяналтад авах зэрэгт 478 тэрбум төгрөг зарцуулахаар төрөөс төсөвлөөд байгаа юм. Хэдийгээр монгол бэлчээрийн малын мах амт шимээрээ дэлхийд тэргүүлдэг. Гол асуудал нь өвчтэй мал гэдэг шалтгаанаар мах экспортод хүндрэл учирдаг. Иймээс эрүүл мар экспортод гаргахын тулд малаа вакцинжуулах, эрүүлжүүлэх хэрэгтэй болсон. Ерөнхийлөгчийн хэлсэнчлэн “Тэнгэр хангайгаа шинжиж, буянт мал сүргийнхээ үр шимийг хүртэж ирсэн монголчууд бид мал аж ахуйн салбарыг шинжлэх ухаанчаар хөгжүүлж, шинэ шатанд гаргах, цогц шинэчлэл хийх шаардлага зүй ёсоор урган гарч байна”. Иймээс ирэх таван жилийн хугацаанд хүнс, хөдөө аж ахуйн салбарын хөгжилд зориулан 1.7 их наяд төгрөгийн санхүүжилт хийхээр болсон. Энэ нь малчдын амьжиргааг дэмжих, нөгөө талдаа малаа эрүүлжүүлэх, махны экспортлл нэмэгдүүлэхэд чиглэгдэж буй. Товчхондоо эдийн засгийн асар их ач холбогдолтой гэсэн үг. Эрүүл мэндийн ач холбогдол нь мал эрүүл бол мах эрүүл, мах эрүүл бол хүнс эрүүл, хүнс эрүүл бол хүн эрүүл болно гэсэн үг юм. Өөрөөр хэлбэл, малаа эрүүл, махаа магнаг, малчнаа баян болгох бодлого юм.
Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!