COVID-19 халдвар авсан хүнд халуурах, толгой эргэх, ханиалгах, дотор муухайрах зэрэг шинж тэмдэг түгээмэл илэрч буйг ДЭМБ болон ЭМЯ-наас мэдээлж байгаа. Монголд бүртгэгдсэн тохиолдлуудын дийлэнх нь хоолой нь өвдсөн байна.  Тодруулбал, 35 тохиолдлуудад доорх эмнэлзүйн шинж тэмдэг илэрчээ. Мөн зарим нь шинж тэмдэггүй өвчилж буйг анхааруулж байгаа билээ.

• Хоолой өвдөх- 64.7 хувь
• Гүйлгэх, Толгой өвдөх, Хамар битүүрэх, Ханиалгах – 41.2 хувь
• Халуурах- 35.3 хувь
• Булчин өвдөх- 29.4 хувь
• Ядрах , Бөөлжих- 23.5 хувь
• Амьсгал давчдах-17.6 хувь
• Амт, үнэр мэдрэхгүй болох- 16 хувь
• Үе мөчөөр өвдөх, Дотор муухайрах, Жихүүдэс хүрэх, Нус гоожих -5.9 хувьТэгвэл  ДЭМБ-аас тус өвчний шинэ шинж тэмдгийг зарлажээ. Энэ талаар ЭМЯ-ны хэлтсийн дарга Д.Нарангэрэл хэлэхдээ “ДЭМБ-аас COVID-19 халдварын шинэ шинж тэмдгийг өчигдөр танилцуулсан. Халдвар авсан хүний гар, хөлийн хуруу, хамрын үзүүрт улаан, ягаан, хөх өнгийн халуу дүүргэсэн арьсны өөрчлөлт гарч байна.

Үүнийг COVID-19 халдварын эхний шинж тэмдэг гэж үзэж болно гэж ДЭМБ-аас мэдээлсэн. Мөн дээрх шинэ шинж тэмдэг нь ихэвчлэн хүүхдэд илэрч байна” гэв.

Коронавирусийн халдварын тархалтын нөхцөл байдлын талаар ЭМЯ-наас өнөөдөр/2020.04.22/ ээлжит мэдээлэл хийж, Монголд халдварын тоо нэгээр нэмэгдсэнийг дуулгав.

 ХӨСҮТ-ийн ерөнхий захирал Д.Нямхүү: Дөрөвдүгээр сарын 8-нд Сөүлээс тусгай үүргийн нислэгээр ирсэн 281 зорчигчид давтан шинжилгээ хийхэд коронавирус илрээгүй. Тандалтын зорилгоор Чингэлтэй, Сүхбаатар, Сонгинохайрхан дүүргийн нэгдсэн эмнэлэгт эмчлүүлж буй 25 хүнээс шинжилгээ авахад коронавирус илрээгүй. Энэ нь уушгины хатгаа болон томуугаар өвдсөн хүмүүсээс сорьц цуглуулан коронавирус илрүүлэх шинжилгээ хийж тандаж байгаа юм. Дөрөвдүгээр сарын 21-нд батлагдсан нэг тохиолдол бий. Түүний ойрын хавьтлын 24 хүнийг тогтоож, тэдгээрт шинжилгээ хийхэд нэг хүнээс давтан шинжилгээгээр коронавирус илэрлээ.  Ингэснээр Монгол Улсад коронавирусийн батлагдсан 35 тохиолдол бүртгэгдэж байна. Эдгээрээс 8 хүн эдгэрч гарсан. Эмчилгээнд 27 хүн байна. Эдгээр тохиолдлууд нь гаднаас зөөвөрлөгдөн ирж байгааг та бүхэн мэдэж байгаа. Иргэд маань анхаарлаа сулруулахгүй, маскаа зүүж байхыг зөвлөе.  Хамтдаа өөдрөг сайхан сэтгэлээр коронавирусийг даван туулъя, ялья. Амжилттай даван туулж гарсны дараа аялал жуулчлал, мах зэрэг нь үнэд орох цаг ирнэ” гэв.

комиссоос гарсан шийдвэрийн дагуу тусгай үүргийн нислэгээр 2020 оны дөрөвдүгээр сарын 30-нд БНСУ-ын Сөүл, тавдугаар сарын 2-нд ХБНГУ-ын Франкфурт хотоос иргэдээ татан авахаар болсон.
Уг нислэгээр эх орондоо ирэхээр болсон иргэд  өмнө нь тавигдаж байсан таван шаардлагыг ягштал баримталахыг анхааруулав. Үүнд:

• Эрүүл мэндийн шалтгаантай (хүнд өвчний улмаас эмнэлгийн магадалгаагаар гадаад улсад эмчилгээнд явсан)
• Жирэмсэн
• Бага насны хүүхэдтэйгээ яваа
• Хөгжлийн бэрхшээлтэй
• Өндөр настан иргэдийг эрэмбэлэн хамруулна.

Эдгээр шаардлагыг нотолсон баримтыг өргөдөл гаргасан иргэн нэрээ бичин [email protected] цахим хаягаар дөрөвдүгээр сарын 24-ийг хүртэлх хугацаанд ирүүлэх аж.
Мөн Эрүүл мэндийн яамнаас тавьж буй шаардлагын дагуу сүүлийн 48 цагийн дотор коронавирусний шинжилгээ  заавал хийлгэсэн байна.

УОК өчигдөр хуралдаж, Сэлэнгэ, Дархан-Уул, Улаанбаатар руу орж, гарах бүх хөдөлгөөнийг хаалаа. Энэ талаар УОК-ын гишүүн, ОБЕГ-ын дарга, Бригадын генерал Т.Бадрал мэдээлэл өгсөн юм.

Эрүүл мэндийн яамнаас Covid-19-ийн дахин нэг тохиолдол зөөвөрлөгдөн орж ирсэн талаар өнөөдөр 14.10 цагт мэдээлэл хийлээ.

ХӨСҮТ-ийн Тандалт, судалгааны албаны дарга А.Амбасэлмаа “Интермед эмнэлгийн өвчтөний шинжилгээний хариу сөрөг буюу коронавирус халдвараар өвчлөөгүй болох нь батлагдлаа. Энэ хүнтэй ойр байсан гурван хүний хариу мөн сөрөг гарлаа. ХӨСҮТ 24 цагаар хоёр лабораторид коронавирус илрүүлэх шинжилгээ хийж байна. Эдгээр лабораторид ажиглалтад байгаа, ХӨСҮТ-д эмчлүүлж байгаа 80-500 гаруй шинжилгээг хийж байна. Эдгээр хүмүүсийн нэгээс коронавирус илэрлээ. Энэ тохиолдол нь энэ сарын 18-нд Алтанбулагийн боомтоор орж ирсэн тээврийн жолооч хүн байгаа. Алтанбулагийн боомтоор орж ирсэн хүмүүсийг нэг нэгээр нь буудалд тусгаарласан байсан. Уг хүн мөн тусгаарлагдсан байсан бөгөөд гэр бүлийн хүнийх нь хамт ХӨСҮТ-д тусгаарласан. Эхнэрт нь одоогоор шинж тэмдэг илрээгүй ч тусгаарлаж байгаа. Мөн энэ хүн нь хоёрдугаар сарын 21-нд ОХУ-аар дамжин Будапешт хот хүртэл явсан байсан” гэлээ.

Гуравхан сарын дараа монгол түмний үндэсний их баяр наадам болно. Гэвч, цар тахлаас шалтгаалан энэ жил наадмыг зохион байгуулахгүй гэсэн мэдээлэл цацагдаад байгаа билээ. Энэ талаар  БСШУС-ын сайд Ё.Баатарбилэгээс тодруулахад, Монгол хүн бүр үндэсний их баяр наадмаа хүсэн хүлээдэг. Тулгар төрийн 2229, Их Монгол Улс байгуулагдсаны 814, Ардын хувьсгалын 99, Ардчилсан хувьсгалын 30 жилийн ой, Үндэсний их баяр наадмыг зохион байгуулна гэж тооцоолон, бэлтгэл ажлыг хангаж байгаа гэв. Коронавирусний дэгдэлттэй холбоотойгоор улсын баяр наадмыг тэмдэглэхгүй, өнжих эсэх асуудлыг судалж байгаа, энэ талаарх саналаа Онцгой комисст хүргүүлэхээр бэлтгэж байгаа гэх мэдээллийг үгүйсгэсэн юм.

Дашрамд дурдахад, цар тахлаас болж цагаан сарыг монголчууд гэр гэртээ тэмдэглэсэн. Мөн олон хүн цуглуулсан арга хэмжээг нийтээр хориглоод байгаа бөгөөд бөхийн барилдаанууд ч зохиогдохгүй байгаа юм.