Олон жил хамт амьдарсан гэр бүлийн гишүүдийн нэг нь нас барсан тохиолдолд тэтгэвэрийнх нь тодорхой хувь хэмжээ гэр бүлийн үлдсэн гишүүний амьдрах хугацаанд өвлөгдөх ёстой. Гэхдээ тодорхой шалгуур тавих нь зөв.
Тухайлбал,
- 10-аас дээш жил хамт амьдарсан,
- гэр бүлийн баталгаатай,
- дундаасаа үр хүүхэд төрүүлэн өсгөсөн гэх мэт шаардлага байх.
Энэ асуудлыг УИХ-ын гишүүн Б.Пүрэвдорж, А.Адъяасүрэн нар Хамтын тэтгэврийн тухай хуулийн төсөл нэртэйгээр төрийн бодлогын түвшинд томьёолж, Улсын Их Хурлын дарга Г.Занданшатарт өргөн /2020.03.22/ барьжээ. Хамтын тэтгэврийн тухай хууль бий болсноор тэтгэврийн хуримтлалын тогтолцоонд сөргөөр нөлөөлөх байдал үүсэхгүй гэж хууль санаачлагчид үзсэн байна.