Эрүүл мэндийн яамнаас ээлжит мэдээллээ өглөө.
ЭМЯ-ны эмнэлгийн тусламж, үйлчилгээний газрын дарга Я.Буянжаргал: Нэгдүгээр сараас хойш нийт 3325 хүн тусгаарлагдаж, эмнэлгийн тусламж, үйлчилгээ авсан. Өнөөдрийн байдлаар 2057 иргэн тусгаарлан, ажиглалтад байна. Сүүлийн 24 цагт Орхон аймагт 42, Баян-Өлгий аймагт 34, Дархан-Уул аймагт дөрөв, Сэлэнгэд хоёр, Дорнодод 18 иргэн ОХУ-тай хиллэдэг хилээр орж ирж, ажиглалтад орсон байна. Ажиглалтад байгаа иргэдтэй хамт тусгаарлалтад 297 хүн эмч, эмнэлгийн ажилтан ажиллаж байна. Халдвар эхээс урагт дамжих, төрөлхийн гажиг бий болох гэсэн зүйл одоогоор нотлогдоогүй байна. Халдвартай иргэн амны хаалтаа зүүн, хүүхдээ хөхүүлж болно.
ХӨСҮТ-ийн захирал Д.Нямхүү: Гуравдугаар сарын 19-нд Станбул-Улаанбаатар чиглэлийн онгоцоор ирсэн ирсэн 22 хүний шинжилгээний хариу сөрөг гарсан. Өмнө нь 24 хүний шинжилгээний хариу сөрөг гарсан. Одоо 200 гаруй хүнээс сорьц авч шинжилнэ. Орхон аймагт тусгаарлагдсан 6 хүний шинжилгээний хариу сөрөг гарсан. ХӨСҮТ-д 289 хүн хяналтад байна. Алтанбулагийн боомтоор өчигдөр /2020.03.23/орж ирсэн зорчигчдоос Орхон аймагт нэг, Сэлэнгэ аймагт хоёр нийт гурван тохиолдлыг сэжигтэй гэж үзэн ажиглалт хийж байна. Сорьц Улаанбаатар руу гарсан .