Иргэн Д нь Бельги улсаас 2020.03.08 нд Монгол улсад ирсэн. Тэрээр /2020.03.29/ Улаанбаатар хотоос Ховд аймгийн Дөргөн суманд ирээд, буцаж Ховдоос 2020.04.12 нд автобусаар УБ хотруу явсан гэсэн тандалт судалгааны өгүүлэмжтэй байна.
Одоо ХӨСҮТ-д сэжигтэйгээр тусгаарлагдан 2020.05.01 нд түргэвчилсэн шинжилгээгээр коронавирус эерэг(+) гарч, нарийвчилсан шинжилгээ (PCR) хийгдэж байгаа. Түргэвчилсэн тестээр онош тавихгүй, хуурамч эерэг, сөрөг гарах магадлалтай тул PCR хариу оношийг батална.
Иймд 2020.05.01-ний 23:00 цагаас аймгийн онцгой комисс хуралдлаа. Онцгой комиссын хурлын шийдвэрээр: 4 чиглэлд постууд гарч Ховд аймгаас гарах, орох автомашины хөдөлгөөнийг түр хаажээ.
Зарим эх сурвалжийн мэдээлснээр тухайн иргэний PCR шинжилгээний хариу эерэг гарсан гэв. Харин энэ мэдээлэл “худал” мэдээлэл болохыг ЭМЯ-ны хэвлэлийн хурлаар ХӨСҮТ-ийн захирал Д.Нямхүү хариуцлагатайгаар мэдэгдлээ.