УИХ-ын чуулганы нэгдсэн хуралдаанаар Хөдөлмөрийн үндэсний намын дарга Т.Доржханд тайлбар хэлэв. Олон нийтийн сүлжээнд ХҮН-ынхан МАН-ын талд ажиллаж байна гэх шүүмжлэл гарах болсон. Тиймээс үүнд хариулт өгөхийг хүссэн бололтой, ХҮН-ын залуучуудыг МАН-ын талд, МАН-ын өмнөөс ажиллаж байна гэх шүүмжлэл гарах боллоо. Тийм зүйл байхгүй, ХҮН та нар шиг үнэт зүйлээ наймаалцдаггүй. Х.Баттулга, У.Хүрэлсүх хоёр “хайр сэтгэлтэй” байсан тэр үед энэ асуудлыг ХҮН хөндөж байсан. Ерөнхиийлөгчийн сонгуулийн хуулийг батлахдаа энэ асуудлыг зориуд орхигдуулсан нь МАН-ын алдаа. Улсын эрх ашгаас намын эрх ашиг чухал юм уу. Улс эх орны эрх ашгийн төлөө АН, МАН төдийгүй чөтгөр байсан ч бид нэгдэнэ. АН-ынханд Х.Баттулгаас өөр хүн алга уу. Та намд олигтой хүн байхгүй бол манай намын нэр дэвшигчийг дэмж” гэлээ.
А.АНАР