Шадар сайд С.Амарсайхан ХӨСҮТ-ийнхөн хуурамч шинжилгээний хариу гаргаж байна гэсэн мэдээлэл цацсан. Үүнээс болж ХӨСҮТ-ийнхний нэр хүнд унаад байгаа билээ. Тиймээс ХӨСҮТ-ийн нэр бүхий эмч, эмнэлгийн ажилтнууд С.Амарсайхан сайдын мэдээллийг болон өөрсдийгөө шалгуулахаар цагдаагийн байгууллагад хандсан байна.
ХӨСҮТ-ийнхний зүгээс шинжилгээний хариу сольдог, мөнгө авч хуурамч шинжилгээний хариу гаргаж өгдөг гэх Шадар сайдын мэдэгдлийг гүтгэлэг гэж үзэж байгаа аж. ХӨСҮТ-ийн дэд захирал ийм асуудал байхгүй болохыг ч хэлсэн.
Тэгэхээр Шадар сайд худлаа гүтгэв үү, ХӨСҮТ-ийнхөн мэлзэв үү. Энэ асуудлыг цагдаагаар шалгуулахыг ХӨСҮТ-ийнхөн шийдсэн бололтой.