2024.02.28, Лхагва
spot_img
НҮҮРМонголЗургадугаар сард 9 нислэг үйлдэж, 2300 иргэнээ авчирна

Зургадугаар сард 9 нислэг үйлдэж, 2300 иргэнээ авчирна

Улсын Онцгой комисс өнөөдөр /2020.06.11/ гадаад улсаас иргэдээ татан авах тусгай үүргийн нислэгүүдийн талаар хэлэлцжээ. Зургадугаар сард нийт найман нислэг хийхээр төлөвлөж байгаа талаар УОК-ын Шуурхай штабаас танилцуулж байсан бол нислэгийн тоо нэгээр нэмэгдэж, есөн удаагийн нислэгээр 2,300 иргэнээ татан авах болсон байна. Одоогоор гурван нислэг үйлдэгдсэн.

  • Зургадугаар сарын 6-нд Австрали руу МИАТ компани нислэг үйлдсэн. Оюутолгойд ажиллаж байгаа “Рио Тинто”-гийн зарим инженер, техникийн ажилтныг болон Австрали улсын иргэдийг эх оронд нь хүргэх саналыг тус улсын ЭСЯ болон Рио Тинтогийн захиргаанаас Монгол Улсад хүсэлт болгож тавьсан байна.  МИАТ-ын онгоцыг түрээсэлж хийсэн уг нислэгээр 262 монгол иргэнээ авчирсан.
  • Зургаадугаар сарын 10-нд 175 иргэн Казахстанаас ирсэн.
  • Зургаадугаар сарын 11 буюу өнөөдөр Япон руу нислэг үйлдсэн. Орой Улаанбаатарт газардана.

Цаашид төлөвлөсөн нислэгүүд нь

  • Зургадугаар сарын 12-нд Энэтхэг рүү нислэг үйлдэж, шашны сургуульд сурч буй 256 ламхайг татан авна. Замдаа Лаост бууж, 10 монгол иргэнээ авчрахаар төлөвлөжээ.
  • Зургадугаар сарын 17-нд Сөүл рүү транзит нислэгээр эх орондоо ирэх иргэдээ авна. Уг нислэгийг үйлдэхийг зөвшөөрлийг  өнөөдөр өглөө албан ёсоор ирүүлсэн байна. Уг нислэгээр бусад орноос Сөүлд ирсэн иргэдээ татан авна.
  • Зургадугаар сарын 18-нд Сөүл рүү дахин нислэг үйлдэж, БНСУ-д ажиллаж, амьдарч байсан болон түр хугацаагаар зорчсон иргэдээ авчрахаар төлөвлөсөн.
  • Зургадугаар сарын 19-нд Франкфурт руу нислэг үйлдэж, европт байгаа 260 орчим иргэнээ татан авчирна.
  • Зургадугаар сарын 20-нд Зүүн Өмнөд Ази руу нислэг хийхээр судалж байна. Ойролцоох улсуудад байгаа иргэдээ цуглуулж чадвал нэг нислэг хийх боломжийг судалж байна.
  • Зургадугаар сарын 21-нд АНУ-ын Сиэтл хот руу нислэг үйлдэхээр болсон.

Ингэснээр нийт есөн удаагийн нислэгээр 2300 иргэнээ татан авахаар төлөвлөсөн байна.

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!