Монголч эрдэмтдээр Монголоо сурталчлуулав

Энэ жил Монгол Улс айлчин, гийчин олонтой байгаа. Гадаадын улстөрчид, төрийн зүтгэлтэн цөөнгүй айлчилж байна. Энгийн иргэд, эрдэмтэд, бизнесийнхэн ч ирж байна. Монгол Улсын Ерөнхийлөгчийн ивээл дор зохион байгуулж буй Олон улсын монголч эрдэмтний XII их хурал “Монголын энх тайван ба түүхэн туршлага” сэдвийн хүрээнд Төрийн ордонд эхэлсэн. Их хуралд дэлхийн 27 орны 500 гаруй эрдэмтэн судлаачид оролцож, Монголын түүх, антропологи, археологи, хэл бичиг, урлаг утга зохиол, нийгэм эдийн засаг, хууль эрх зүй, гадаад харилцаа, соёл уламжлалын чиглэлээр судалгаа шинжилгээнийхээ үр дүнг танилцуулан хэлэлцүүлэх ажээ. Тэд Монголд ирсэндээ тун ч их баярлаж байгаагаа, эзэн Богд Чингис хаанаар бараохаж буйгаа манай хэвлэлийнхэнд ярьжээ. Энэ хэрээр ч Монголын тухай зөв мессеж гадаадад хүрэх нь гарцаагүй. Ямар ч байсан Ерөнхийлөгч У.Хүрэлсүх гадаадад эх орноо сурталчлах бүхий л арга мэх хийж байгаа нь браво.