2021.06.16, Лхагва
Эхлэл Монгол SOS: Архангайд коронавирусын сэжигтэй тохиолдол илэрчээ

SOS: Архангайд коронавирусын сэжигтэй тохиолдол илэрчээ

Архангай аймагт коронавирусын сэжигтэй тохиолдол илэрсэн талаар аймгийн Онцгой байдлын комисс хуралдаж, яаралтай арга хэмжээ авсан байна. Өвчтөн 46 настай, эмэгтэй гэнэ.

Тодруулбал, энэ сарын 1-3-нд Хонконгийг зорьсон эмэгтэй өнгөрсөн шөнө халуурч тус эмнэлэгт хатгаа өвчний шинж тэмдэгтэйгээр ирж хэвтсэн байна. Тиймээс түүнийг коронавирусээр өвчилсөн байж болзошгүй гэж сэжиглэн, өвчтөнийг тусгаарлан шинжилгээ авчээ. Шинжилгээний хариу 72 цагийн дараа гарах юм байна. Энэ талаар Архангай аймгийн Засаг даргаас тодруулахад “Коронавирусийн сэжигтэй тохиолдол илэрсэн иргэн 2020 оны нэгдүгээр сарын 1-ны өдөр Хонгконг руу явж, нэгдүгээр сарын 3-ны өдөр нутагтаа ирсэн. Тэгэхээр коронавирусийн халдвар тархахаас өмнө яваад ирсэн гэсэн үг. Өнгөрсөн шөнө аймгийн эмнэлэгт халуурсан, хатгалгаа өвчний шинж тэмдэгтэйгээр хандсан тул бид сэжигтэй байж болзошгүй гэж тусгаарласан байгаа. Өвчтөнөөс авсан шинжилгээг ХӨСҮТ рүү явуулсан. Одоогоор биеийн байдал нь хэвийн, өндөр халуурч, хүнд байна гэдэг нь ташаа мэдээлэл. Өвчтөний ар гэрт хөл хорио тогтоогоогүй” гэж мэдээллээ.

Харин ХӨСҮТ-ийн Тандалт судалгааны албаны дарга А.Амбасэлмаа "Хонгконг руу яваад ирсэн хүний халдвар тээж болох нууц үе 14 хоног нь өнгөрсөн. Түүнээс хойш амьсгалын замын халдварт өвчин нь хатгаа болон хүндэрсэн тул аймгийнхаа эмнэлэгт тусгаарлагдан эмчлүүлж байгаа. Тухайн хүнээс вируслогийн шинжилгээ дахин авсан. Шинжилгээний хариу гараагүй байна” гэв.

Хятадад уг өвчнөөр 80 хүн амиа алдаад байгаа бөгөөд вирус маш хурдацтай тархаж байгаа тул Монгол Улс сургууль, цэцэрлэгүүдийг хааж олон нийтийн арга хэмжээг хориглоод байгаа юм.

СЭТГЭГДЭЛ БИЧИХ

Сэтгэгдэл оруулна уу!
энд нэрээ оруулна уу

Архангай аймагт коронавирусын сэжигтэй тохиолдол илэрсэн талаар аймгийн Онцгой байдлын комисс хуралдаж, яаралтай арга хэмжээ авсан байна. Өвчтөн 46 настай, эмэгтэй гэнэ.

Тодруулбал, энэ сарын 1-3-нд Хонконгийг зорьсон эмэгтэй өнгөрсөн шөнө халуурч тус эмнэлэгт хатгаа өвчний шинж тэмдэгтэйгээр ирж хэвтсэн байна. Тиймээс түүнийг коронавирусээр өвчилсөн байж болзошгүй гэж сэжиглэн, өвчтөнийг тусгаарлан шинжилгээ авчээ. Шинжилгээний хариу 72 цагийн дараа гарах юм байна. Энэ талаар Архангай аймгийн Засаг даргаас тодруулахад “Коронавирусийн сэжигтэй тохиолдол илэрсэн иргэн 2020 оны нэгдүгээр сарын 1-ны өдөр Хонгконг руу явж, нэгдүгээр сарын 3-ны өдөр нутагтаа ирсэн. Тэгэхээр коронавирусийн халдвар тархахаас өмнө яваад ирсэн гэсэн үг. Өнгөрсөн шөнө аймгийн эмнэлэгт халуурсан, хатгалгаа өвчний шинж тэмдэгтэйгээр хандсан тул бид сэжигтэй байж болзошгүй гэж тусгаарласан байгаа. Өвчтөнөөс авсан шинжилгээг ХӨСҮТ рүү явуулсан. Одоогоор биеийн байдал нь хэвийн, өндөр халуурч, хүнд байна гэдэг нь ташаа мэдээлэл. Өвчтөний ар гэрт хөл хорио тогтоогоогүй” гэж мэдээллээ.

Харин ХӨСҮТ-ийн Тандалт судалгааны албаны дарга А.Амбасэлмаа "Хонгконг руу яваад ирсэн хүний халдвар тээж болох нууц үе 14 хоног нь өнгөрсөн. Түүнээс хойш амьсгалын замын халдварт өвчин нь хатгаа болон хүндэрсэн тул аймгийнхаа эмнэлэгт тусгаарлагдан эмчлүүлж байгаа. Тухайн хүнээс вируслогийн шинжилгээ дахин авсан. Шинжилгээний хариу гараагүй байна” гэв.

Хятадад уг өвчнөөр 80 хүн амиа алдаад байгаа бөгөөд вирус маш хурдацтай тархаж байгаа тул Монгол Улс сургууль, цэцэрлэгүүдийг хааж олон нийтийн арга хэмжээг хориглоод байгаа юм.