2024.03.28, Thursday
spot_img
НҮҮРМонголУ.Хүрэлсүхийн усаа аврах бодлого

У.Хүрэлсүхийн усаа аврах бодлого

Усгүй бол амьд дэлхий үгүй. Ус бол алтнаас ч үнэтэй. Энэ утгаараа Ерөнхийлөгч У.Хүрэлсүхийн Ерөнхий сайд байхдаа эхлүүлсэн ажлын нэг бол Монголд ус цэвэршүүлэх, боловсруулах үйлдвэр барих төсөл.
АНУ-ын Мянганы сорилтын корпорацын 350 сая, Монгол Улсын Засгийн газрын 111 сая, нийт 462 сая ам.долларын санхүүжилт бүхий компакт гэрээний хүрээнд Улаанбаатар хотод Ус гүн цэвэршүүлэх болон Ус дахин боловсруулах хоёр үйлдвэр барьж, ус хангамжтай холбоотой цогц хөтөлбөр хэрэгжүүлэхээр шийдвэрлэсэн билээ. Улаанбаатарын цэвэр усны хэрэглээ өдрөөс өдөрт нэмэгдэж байна.
Нөгөө талаар цэвэр усаа үйлдвэрт ашигладаг, цэвэр усаараа машинаа угаадаг, бохироо гол руу шууд нийлүүлдгээс болоод ундны цэвэр усны асуудал цаашдаа монголчуудын хувьд агаарын бохирдлоос ч илүү том зовлон болж болзошгүй байсан. Үүнийг болиулж саарал усаа эргэлтэд оруулахаар болж байгаа нь монголчуудын хувьд эрүүл мэнд, эдийн засаг, экологид өндөр ач холбогдолтой бүтээн байгуулалт болж буй юм.
Үйлдвэр 2025 оны хоёрдугаар улиралд ашиглалтад орсноор Төв цэвэрлэх байгууламжаас Туул голд нийлүүлэх цэвэрлэсэн уснаас өдөрт 50 мянган шоо метр ус авч, дахин боловсруулан Дулааны III, IV цахилгаан станцын хэрэглээнд нийлүүлнэ. Ингэснээр жилд 18 сая гаруй шоо метр буюу хотын орон сууцанд амьдарч байгаа 100 гаруй мянган айл өрхийн жилийн хэрэглээний 50 хувьтай тэнцэх хэмжээний гүний цэвэр ус хэмнэх аж.
Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!