2024.03.19, Tuesday
spot_img
НҮҮР3Цаг агаар: Эрс хална

Цаг агаар: Эрс хална

Зургадугаар сар дуусч, нар буцсан ч, зун бараг болсонгүй. Энэ жилийн зун бороо хуртай, салхитай хүйтэн болж байна. Гэхдээ ирэх өдрүүдэд цаг агаар эрс халахыг  Цаг уур орчны шинжилгээний газраас мэдээлэв. Энэ сарын 26-наас ихэнх нутгаар 30-34 градус хүрч халах төлөвтэй байна. Хамгийн халуун өдөр энэ сарын 27-нд говийн болон Орхон, Сэлэнгийн сав газраар 34-39 градус хүрч халах нь. Энэ талаар Цаг уур орчны шинжилгээний газрын Урьдчилан мэдээлэх хэлтсийн дарга Л.Оюунжаргал хэлэхдээ “Төвийн болон Говийн аймгуудын нутгаар энэ сарын 27-нд хэт хална. Говийн бүс нутгийн өмнөд хэсэг, нууруудын хөндийгөөр 39 градус хүрч халах төлөвтэй байна. Говийн аймгуудын нутгаар 36 градус хүртэл халах нь хэвийн боловч 39 градус хүрэх төлөвтэй байгаа нь хэт халалт сэрэмжлэх түвшинд хүрнэ гэсэн үг. Тухайн өдөр /ням гариг/ нийслэлд 33 градус хүрч хална” гэлээ. Тиймээс иргэд хэт халуунд гадуур гарахгүй байх, өндөр настай, зүрх судасны өвчтэй, жирэмсэн эмэгтэйчүүд хүйтэн жин тавьж, шингэн зүйл уух, гэртээ байхыг цаг уурчид зөвлөлөө. Харин ирэх даваа гаригт дуу цахилгаантай аадар бороо орж цаг агаар сэрүүснэ.

Энэ жилийн хувьд долдугаар сард олон жилийн дунджаас илүү халах төлөвтэй байгааг цаг уурын байгууллагаас мэдээлж буй. Одоогоор баяр наадмын өдрүүдэд цаг агаарын урьдчилсан төлөв гараагүй байгаа юм байна.

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!