Наймдугаар ангиасаа мал маллахаар хөдөө гарсан Э.Магнайбаяр Их засгийг төгсөж, одоо Баянгол дүүргийн хүүхдийн зусланг хариуцаж байгаа. Тэрбээр орон нутгийн сонгуульд МАХН-аас нэр дэвшиж ялалт байгуулангуутаа МАН-д элссэн. Тэрбээр энэ талаараа хэвлэлд өгсөн ярилцлагадаа “Би хоёр нам нэгдэхийн төлөө өөрийнхөө чадлаар явсан. Хувь хүнийхээ үүднээс хоёр нам нэгдээсэй гэдэг утгатай захиаг удаа дараа бичиж байсан. Одоо эвлээд, нэгдээд, хамтраад явж байгаад би баяртай байгаа.
МАН, МАХН хоёр нэгдэнэ гэдгийг мэдэж байсан учраас ийм сонголт хийсэн” гэжээ. Гэтэл С.Ганбаатар эцсийг нь хүртэл Н.Энхбаяр итгэсээр яваад нэг л өдөр Ерөнхийлөгч болох мөрөөдөл нь бүтэлгүйтсэн. Эндээс харахад Э.Магнайбаяр гэж залуу С.Ганбаатараас илүү улс төрийн мэдрэмжтэй бололтой.
А.Анар