Ерөнхийлөгч Х.Баттулга эрх баригч МАН-ыг тараах захирамжаа өчигдөр /2021.04.23/ Д.Сүхбаатарын талбайд дахин танилцуулсан. Өнөөдөр энэ асуудлаараа УДШ-ийнхэнтэй уулзах юм. Ингээд түүний өчигдрийн мэдэгдэлд дурдсан мессежүүдийг хүргэе.
-Миний бие Монголын ард түмний эв нэгдлийг илэрхийлэгч.
-Төрийн байгууллага, нийтийн албан тушаалтнуудыг Монгол ардын намын үүрэг даалгаврыг хууль зөрчин биелүүлдэг дуулгавартай бүтэц болгон хувиргасан.
-МАН намайг Монгол Улсын Ерөнхийлөгчийн сонгуульд нэр дэвшүүлж, оролцуулахгүйг ихэд хичээж байгаа.
-Шударга нийгмийг цогцлоохын төлөө, улс орныхоо мандан бадралын төлөө өргөсөн тангаргаа үл умартан, үнэнчээр хэрэгжүүлж ирлээ.
-Ерөнхийлөгчийн бүрэн эрхийг танан хязгаарлахыг зөвшөөрч, Үндсэн хуульд нэмэлт, өөрчлөлт оруулахыг дэмжин баталгаажуулсан.
-Шүүх эрх мэдлийг намынхаа хяналт удирдлага, нөлөөнд авах, Үндсэн хуулийг чандлан сахиулах үүрэгтэй Үндсэн хуулийн цэцийн хараат бус байдлыг алдагдуулж байна.
-Төрийн дээр, хуулийн дээр заларч “хаанчилж” байгаа Монгол ардын намын удирдлагын дарангуйллаас ангижруулахыг зорилоо.
-Монгол Улсын үндэсний аюулгүй байдлыг сахиулан хамгаалах түүхэн үүрэг, зайлах аргагүй хариуцлага надад оногдлоо.
-Би ард түмэндээ үйлчлэх тангарагтай хүн.
-Шүүх эрх мэдлийн “шүүн таслах” үйл ажиллагаатай холбож мушгих шаардлагагүй, тийм боломж ч байхгүй гэдгийг эрс хатуу сануулж байна.
-Монгол Улс өнөөдөр улс төр, эдийн засаг, нийгмийн болон оюун санааны гүн гүнзгий хямралд орсны гол буруутан нь МАН мөн.
-Монголчууд мөнх төрийнхөө дээр улс төрийн намыг залах учиргүй.
-Монгол төрийг нэг намын дарлалаас чөлөөлж, хамгаалахад монгол хүн бүрийн хүчин зүтгэл хэрэгтэй болоод байна.
Д.ШООВДОР