2024.03.19, Tuesday
spot_img
НҮҮР2Б.Жавхлан: Чингис бондын өрийг энэ онд дуусгана

Б.Жавхлан: Чингис бондын өрийг энэ онд дуусгана

Монгол Улсын өр хэдийнээ таазаа давсан. Нийтдээ 33 тэрбум ам.доллар. Нэг хүнд хуваавал 33 сая төгрөг. Тиймээс улсын гадаад өрийн талаар Сангийн сайд мэдээлэл өглөө. Тэрбээр “Манай улсын нийт гадаад өр 33.8 тэрбум ам.доллар бөгөөд дотоодын нийт бүтээгдэхүүний 224 хувьтай тэнцэж байна. Төсвийн тогтвортой байдлын болон Өрийн удирдлагын тухай хуулиар улсын нийт өр болон Засгийн газрын өрийг тодорхойлсон байдаг.

  • Засгийн газрын гадаад өр 8.5 тэрбум ам.доллар,
  • Монголбанкны өр 2.6 тэрбум ам.доллар
  • Арилжааны банкны өр 1.6 тэрбум ам.доллар,
  • Аж ахуйн нэгжүүдийн өр 21 тэрбум ам.доллар байгаагаас Оюутолгойн өр 12.5 тэрбум ам.доллар байна” гэлээ.

2010 оноос хойш манай улсын нийт гадаад өр 4.5 дахин нэмэгджээ.  Харин өрийн бүтцийн талаар “Нийт өрөөс 5.7 тэрбум ам.доллар нь гадаад зээл буюу хөгжлийн зээл юм. 2.6 тэрбум ам.доллар нь гадаад бондын богино хугацаатай өр байна.

1990 оноос хойш 25-40 жил хүртэлх хугацаатай хөгжлийн зээл авч эхэлсэн.

  • 1990-2000 оны хооронд 460 сая ам.долларын зээл
  • 2001-2010 оны хооронд нэг тэрбум ам.долларын зээл
  • 2011-2021 онд дийлэнх буюу 4.2 тэрбум ам.долларын зээл авсан

Зээлдүүлэгчийн хувьд Азийн хөгжлийн болон Дэлхийн банк гэсэн хоёр гол институт байна. Азийн хөгжлийн банкнаас авсан зээлийн үлдэгдэл 1.8 тэрбум ам.доллар, Дэлхийн банкных 800 сая ам.доллар байна.

Япон улсаас 1.2 тэрбум, БНХАУ-аас нэг тэрбум, БНСУ-аас 155 сая, Азийн дэд бүтцийн хөрөнгө оруулалтын банкнаас 110.5 сая ам.долларын зээл авсан.

Чингис бондын 1.5 тэрбум ам.долларын өрөөс 137 сая ам.доллар үлдсэн бөгөөд энэ оны 12 дугаар сард хугацаа нь дуусна. Төсөвт төлөх талаар тусгасан.

Гэрэгэ бондыг төлөх хугацаа 2023 онд бол Хуралдай бонд 2024 онд, Номад бонд 2026 онд төлөгдөхөөр байна.

Ижил зэрэглэлтэй орнуудтай харьцуулахад манай улсын гадаад өрийн хэмжээ өндөр байдаг. Үйлдвэрлэгч орон биш учраас гадаад өр их өндөр байгаа юм” гэдгийг хэллэ

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!