Угаасаа тэр улс төрөөс явахгүй нь нэн тодорхой, тиймээс эргэн ирэх цагаа ёстой л анхааралтай ажиглаж суусан. Энэ удаагийн түүний эргэн ирэлтийг АН-ынхан төдийгүй иргэд ч таашаахгүй байгаа юм. Х.Баттулга улс төрд эргэн ирсэн нь Монголд айдас хүйдэс болж байна. Нөгөө талаасаа тэрбээр АН-ыг ийнхүү самарч байгааг гадаадын явуулгатай гэж хардах хүмүүс бий. Ингээд түүний талаар байр сууриа нүүр номд хэн, хэрхэн илэрхийлснийг сонирхуулъя.
Төрийн соёрхолт, Монгол Улсын гавьяат жүжигчин, АН-ын гишүүн Д.Сосорбарам:
-Х.Баттулга аа, чи одоо болно оо зогс. Чи нам байтугай энэ улсыг самарсан. Путины гар хөлөөр үндэстнээ нураалгавал бидний л хохь болно.Гэвч Монголд эрүүл сэтгэхүй байгаа юм шүү. Чамд итгэсэн удаа надад бий. Харин ч сайн таньж авсан учраас МОНГОЛ үндэстэнд чи дэмий” гэжээ.
АН-ын Ерөнхий нарийн бичгийн дарга асан Ц.Баатархүү:
-Ардчилсан нам хуваагдах магадлал тун өндөр боллоо. Хайран намыг дахин хувааж ялагдуулах нүүдлүүд үргэлжилсээр байна даа. Батзандан, Болд хоёроор хийсэн мэхээ дахин хийж байна” гэв.
Комедиан Д.Амартүвшин:
-Ядаж MAH-ын даргын зөвлөхийнхөө ажлыг өгчихөөд АН-ын даргад өрсөлдөж болдоггүй л хорвоо байсан юм байх даа. Улаан цаймдаа гарцан юм байна дөө. Энэ улс төрчид…” гэжээ.
Шог зураач С.Цогтбаяр:
-Ардчилсан намыг хэд ч оршуулж, хэд ч ухаж гаргаж ирдэг юм бэ дээ. Зомби цаашаа боллоо шүү дээ. Үзэл бодол нийлсэн залуучууд нь эрүүл саруулаараа үлдсэн лидерүүдтэйгээ нийлээд шинэ нам байгуулчвал бараг дээр дээ. Дэмжмээр байх юм. Яая даа.
АН-ын гишүүн, Хууль зүйн сайд асан Х.Тэмүүжин
-Ардчилсан нам бодитойгоороо хуваагдах нь дээ.
Гавъяат эмч Б.Болдсайхан:
-Орос Монголын төрийг дахиж АН-р дамжуулж авах гэж байгаа юм уу? нүүрс, зэс, төмөр зам, цахилгаан, УЦС, уран зогсоох. Төрийг нь дахиж авах?