2022.08.19, Баасан
Эхлэл B ЗГ: Наадмаар 9 хоног амарна

ЗГ: Наадмаар 9 хоног амарна

Засгийн газар өнөөдөр ээлжит бусаар хуралдав. Хуралдаанаар төсөвт тодотгол хийхийг сайдууд дэмжиж, энэ асуудлыг УИХ-д оруулахаар өргөн барихаар болжээ. Тодруулбал, эрүүл мэндийн салбарт нэмж 700 гаруй тэрбум төгрөгийн санхүүжилт олгох асуудлыг төсвийн төсөлд тусгасан байна. Мөн хүүхдийн мөнгөний нэмэгдэл болон айл өрхийн цахилгаан, дулааныг он дуустал төр хариуцахаар болов.

"Улаан бүс"-д ажиллаж буй 13 мянган эмч, эмнэлгийн ажилчдад нэг удаагийн хоёр сая төгрөгийн тэтгэмж, мөн бусад байгууллагуудад ажиллаж байгаа 19.5 мянган ажилчинд нэг удаагийн нэг сая төгрөгийн тэтгэмж олгох, мөн "Улаан бүс"-д ажиллаж буй эмнэлгийн ажилчдын цалинг 50 хувиар нэмэгдүүлэх санал төсвийн тодотголд тусгасан байна.

Түүнчлэн цар тахлыг эмчлэхэд зориулж 2000 ор дэлгэхэд 110 тэрбум төгрөг, резидент эмч нарыг дайчлах асуудалд 3.7 тэрбум, эмийн нөөц бүрдүүлэхэд 60 тэрбумыг төсөвт суулгаж өгчээ.

Засгийн газрын ээлжит бус хуралдаанаар ирэх сарын 16-ны ажлын өдрийг 21-ний өдөр рүү шилжүүлснээр наадмаар 9 хоног амрахаар болж байна.  Хөдөлгөөний нягтралыг багасгаж, хотоос зайдуу, гэр бүлийн хүрээнд амрах нөхцөлийг бүрдүүлэхийн тулд ийнхүү наадмын амралтыг уртасгажээ.

А.Анар

СЭТГЭГДЭЛ БИЧИХ

Сэтгэгдэл оруулна уу!
энд нэрээ оруулна уу

Засгийн газар өнөөдөр ээлжит бусаар хуралдав. Хуралдаанаар төсөвт тодотгол хийхийг сайдууд дэмжиж, энэ асуудлыг УИХ-д оруулахаар өргөн барихаар болжээ. Тодруулбал, эрүүл мэндийн салбарт нэмж 700 гаруй тэрбум төгрөгийн санхүүжилт олгох асуудлыг төсвийн төсөлд тусгасан байна. Мөн хүүхдийн мөнгөний нэмэгдэл болон айл өрхийн цахилгаан, дулааныг он дуустал төр хариуцахаар болов.

"Улаан бүс"-д ажиллаж буй 13 мянган эмч, эмнэлгийн ажилчдад нэг удаагийн хоёр сая төгрөгийн тэтгэмж, мөн бусад байгууллагуудад ажиллаж байгаа 19.5 мянган ажилчинд нэг удаагийн нэг сая төгрөгийн тэтгэмж олгох, мөн "Улаан бүс"-д ажиллаж буй эмнэлгийн ажилчдын цалинг 50 хувиар нэмэгдүүлэх санал төсвийн тодотголд тусгасан байна.

Түүнчлэн цар тахлыг эмчлэхэд зориулж 2000 ор дэлгэхэд 110 тэрбум төгрөг, резидент эмч нарыг дайчлах асуудалд 3.7 тэрбум, эмийн нөөц бүрдүүлэхэд 60 тэрбумыг төсөвт суулгаж өгчээ.

Засгийн газрын ээлжит бус хуралдаанаар ирэх сарын 16-ны ажлын өдрийг 21-ний өдөр рүү шилжүүлснээр наадмаар 9 хоног амрахаар болж байна.  Хөдөлгөөний нягтралыг багасгаж, хотоос зайдуу, гэр бүлийн хүрээнд амрах нөхцөлийг бүрдүүлэхийн тулд ийнхүү наадмын амралтыг уртасгажээ.

А.Анар