Ирэх долдугаар сараас цар тахлын эсрэг Засгийн газраас иргэддээ үзүүлж буй халамжийн арга хэмжээнүүд зогсож буйг Сангийн сайд Б.Жавхлан өнөөдөр /2021.06.11/ дуулгав.
Б.Жавхлан: Цар тахлын нөхцөл байдалтай холбогдуулан төрөөс авч хэрэгжүүлж буй хүүхдийн мөнгөний нэмэгдэл, цахилгаан дулааны чөлөөлөлт зэрэг бүх арга хэмжээ долоодугаар сарын 1-нээр дуусаж байгаа. Энэ бол Засгийн газар, төсвийн хувьд нэлээд тулгамдсан асуудал болсон. Энэ талаар бид эрсдэлийн шинжилгээ хийж байна. Цаашид ковидын нөхцөл байдал эдийн засагт яаж нөлөөлж байна вэ гэдгийг цогцоор нь тооцоолох ёстой. Долоодугаар сарын 1-нээс өмнө Засгийн газар энэ асуудлыг нэлээд нухацтай хэлэлцэнэ.
Их, дээд сургуулиудын хувьд хавтгайрсан тусламж, зээлээр санхүүжүүлдэг системийг хална. Шалгуур үзүүлэлтүүд тавьж, тэдгээрийг ханган суралцаж байгаа шилдэг оюутнуудад, дээрээс нь нийгмийн захиалгат шаардлагатай мэргэжлүүдээр суралцаж байгаа оюутнуудад зээл тусламж санхүүжилт өгдөг систем бий болгоно.
А.Анар