Л.Оюун-Эрдэнийн Засгийн газар дөрөвдүгээр сарын 8-нд хуралдаж, Монголын 3.3 сая иргэнд нэг удаагийн удаагийн мөнгөн тусламж болгож 300 мянган төгрөг тараасан. Энэ мөнгийг МАН-ын эрх баригчид эрийн сайндаа олчихоогүй юм. Өнөө л муу нэртэй, луу данстай шоронд суугаа улс төрийн хоригдлуудын хийсэн ажлын үр дүн. Товчоор хэлбэл, Оюутолгойн гэрээг хөдөлгөж, Монголд гуравдагч орны хөрөнгө оруулалт татаж, эдийн засгийн хувьд хоёр хөршийн хараат бус болгосоныхоо төлөө шүүх дээр захиалгаар яллагдсан С.Баяр, С.Баярцогт болон Дубайн санхүүжилтийн төлөвлөгөөг байгуулж, далд уурхайн бүтээн байгуулалтыг эхлүүлсэн Да.Ганболд, Б.Бямбасайхан нарын гавъяа гээд хэлчихэд буруудахгүй биз. 2009 онд Оюутолгойн хөрөнгө оруулалтын гэрээг батлаж, 2015 онд далд уурхайн бүтээн байгуулалтын санхүүжилтийн төлөвлөгөөг баталсны үр дүнд Л.Оюун-Эрдэнийн Засгийн газар толгой өвдөхгүй цалин, тэтгэврээ цагтаа тавьж байна.
Ч.Сайханбилэгийн Засгийн газар НӨАТ-ын хуулийг шинэчилж, Эдийн засгийн өршөөлийн хууль баталсны үр дүнд 34 их наядын хөрөнгө ил болж, татварын бааз суурь өргөжсөн.
Харин МАН 2016 онд засгийн эрхэнд гарч, хувийн хэвшил руу хэт халдсан бодлого хэрэгжүүлсэн нь эдийн засагт сөргөөр нөлөөлж, өнгөрсөн 2016 оноос хойш гадаадын хөрөнгө оруулалт орж ирсэнгүй. Засгийн эрх АН-аас МАН руу шилжих үед ам.долларын ханш 1900 байсан бол өдгөө 2849 төгрөгтэй тэнцэж байна. АН-ынхан засгийн эрхийг барьж байхдаа 21 аймгийг Улаанбаатар хоттой авто замаар холбосон. Харин МАН-ынхан засгийн эрхийг авсны дараа Дарханы замыг шинэчлэх засах гэж гурван жил ноцолдож байна. Бүрэн ашиглалтад ортлоо дахин нэг жил шаардлагатай гэв.
АН-ын үед эдийн засгийн том шинэчлэл явагддаг бол МАН-ын үед халамжийн бодлого тэлдэг. Хамгийн сүүлд гэхэд зургаан хүүхэдтэй айлын орон сууцны урьдчилгааг төр даах хуулийн төсөл боловсруулж байгаагаа УИХ-ын гишүүн Г.Тэмүүлэн дуулгасан. Одоо гаднаас мөнгө зээлээд халамж тараахаар боллоо. Азийн хөгжлийн банкнаас ам.долларын зээл авч халамж болгон тараавал эргээд эдийн засагт дарамт авчирна. Дээр нь Оюутолгойн арбитр дээр яваа шүүхийн маргааныг эцэслээгүй байхад татвар түр байршуулсан мөнгийг нь бүгдээрээ тараагаад идчихсэн. Улсаараа хам хэрэгтнүүд болсон гэсэн үг.
Сонгуульд л ялж байвал МАН эдийн засгаа түймэрдэхээс буцдаггүй. Шинэ гэр бүлийн, эх орны хишиг гээд олон зуун тэрбум төгрөгийг баас, шээс болгосны балаг нь эдийн засагт үргэлжилсээр байгаа.
МАН-ын засгийн үед олон айл орлогоо алдаж, хөл хорионд орлоо. Улсын төсөв хэдэн их наядын алдагдалд орж, татварынханд дансаа хаалгасан компаниудын тоо нэмэгдэв. Ингээд харахаар АН-ын үед хийсэн ажлыг МАН хүртдэг. МАН-ын үед хэрэгжүүлсэн халамжийн бодлого Монголыг туйлдуулсаар иржээ.
Г.Хэрлэнтуяа
за шаа шаа.АН бол АНус нам.
Яг шдээ эсэргээрээ