Мэргэжлийн салбартаа гайгүй хууль, эдийн засагч гэгдэж явсан МАН-ын бүлгийн шинэ гишүүдийг дарамталсан уу эсвэл “төрөлхийн” популист байсан уу ямартай ч сонгогчдынхоо урмыг хугалах нь олширлоо. Тэдний нэг бол УИХ-ын гишүүн Ц.Мөнхцэцэг, Г.Амартүвшин нар. Тэд өчигдөр Т.Чимгээ, Б.Содномдаржаа нарыг эрүүдэн шүүсэн асуудлаар нээлттэй сонсгол хийх санаачилга гаргав. Тодруулбал, С.Зориг агсны амь насыг бүрэлгэсэн хэрэгт гэм буруутайд тооцогдон хорих ял эдэлж байгаа иргэн Т.Чимгээ, Б.Содномдаржаа нарыг эрүүдэн шүүж байгаа бичлэгийг Улсын Их Хурлын гишүүд болон сэтгүүлч нарт үзүүлсэнээс хойш бүтэн хоёр жилийн хугацаа өнгөрч байхад энэ асуудал шийдэгдээгүй байна. Иймээс уг асуудлаар нийтийн сонсгол явуулах талаар УИХ-ын даргад албан бичгээр хүргүүлж буйгаа санаачлагч гишүүд мэдэгдлээ.
© 2019-2023 Бүх эрх хуулиар хамгаалагдсан. iPen.mn
Хөгжүүлэгч: Софт Эксим ХХК