2020 он гарснаас хойш дотоодын хөрөнгийн зах зээлд уналт үргэжилсээр байна. Энэ зах зээлд бүртгэлтэй компаниудын үнэлгээ 2.3 их наяд төгрөгт хүрсэн. Энэ нь он гарснаас хойш 312.7 тэрбум төгрөг буюу 11.6%-иар буурсан үзүүлэлт юм.
Хувьцааны зах эхний хагас жилдээ өсөхөөргүй төлөв байдалтай байгаа учир зах зээлийн үнэлгээ ч цаашид буурах хандлагатай байна. Хамгийн өндөр үнэлгээний бууралтыг АПУ ХК компани үзүүлсэн бөгөөд оны эхнээс 106.6 тэрбум төгрөгөөр буурч 569.3 тэрбум төгрөгт хүрэв. Гэхдээ тус компани Монголын хөрөнгийн зах зээл дээрх хамгийн том компани хэвээр байна.