Дэлхийн дахинд тархаад буй цар тахлыг талаарх шинэ мэдээллийг хүргэе.
- АНУ-д шинэ төрлийн коронавирусийн халдварын нийт тохиолдлын тоо 532,000 гаруй, нас баралт 21,400 гаруй болсон байна. Халдварын цөм Нью-Йорк мужид халдвараар өвчлөөд эдгэрсэн хүмүүст эсрэг биет үүссэн эсэх талаар шинжилгээ хийхийг мужийн захирагч шийдвэрлэжээ. Мөн олон нийттэй харилцаж байгаа ажилчдад амны хаалтыг үнэгүй олгох чиглэлийг бүх ажил олгогч нарт үүрэг болгосон тушаалыг Нью Йорк мужийн захирагч гаргажээ.
- Өнгөрсөн 24 цагийн хугацаанд Франц улсад 315, Италид 431 нас баралт бүртгэгдсэн нь өмнөх өдрүүдээс буурсан үзүүлэлт бол Испанид 619 нас баралт бүртгэгдэж, өмнөх өдрүүдээс нэмэгдсэн байна.
- Турк улсад халдвар эрчимтэй тархаж байна. Өнгөрсөн 24 цагийн хугацаанд шинэ тохиолдлын тоо 4,789-өөр нэмэгдэж, нийт халдвар авсан тохиолдлын тоо 56,956 болсон талаар тус улсын Эрүүл мэндийн сайд мэдээлсэн байна.
- Ням гарагт Япон улсын нийслэл Токио хотод халдварын шинэ тохиолдол 166 бүртгэгдснээр нийслэлийн хэмжээнд бүртгэгдсэн халдварын тоо 2,000 гаруй болжээ. Бүс нутгаар нь харах юм бол Токио хот тэргүүлж, Осака, Канагава, Чиба, Сайтама хотууд удаалсан байна. Япон улсын хэмжээнд бүртгэгдсэн халдварын тоо 7,400-д хүрсэн бөгөөд 150 нас баралт бүртгэгджээ. Үүнээс 12 нь “Diamond Princess” хөлөг онгоцны зорчигч байсан байна.
Японы Засгийн газраас гар утасны байршлаар хүмүүсийн хөдөлгөөн, бөөгнөрлийг хянаж байгаа. Онц байдал зарласан ч хүмүүс томоохон худалдааны төвөөр үйлчлүүлсэн хэвээр байгаа учир бөөгнөрлийг багасгах талаар ард иргэддээ анхааруулсаар байна. - БНСУ-д эдгэрсэн 111 хүнээс дахин халдвар илэрсэн талаар тус улсын Өвчний хяналт, сэргийлэлтийн албаны газрын захирал мэдээлжээ. Эдгээрийн дийлэнх нь Тэгү болон хойд Кёнсан аймагт бүртгэгдсэн байна. Өвчтөнүүдэд эсрэг бие үзэх шинжилгээ хийж эхэлжээ. Эсрэг бие үүссэн тохиолдолд тухайн хүн халдвар аваад эдгэрсэн гэж үзэх ба цааш дамжуулахгүй гэж мэргэжилтнүүд үзэж байгаа юм байна.