Катар Улсаас монгол цэргүүдийг тээвэрлэж ирсэн тусгай үүргийн онгоц “Чингис хаан” олон улсын нисэх буудалд өнөөдөр газардлаа. Нислэгээр 43 цэргийн алба хаагч иржээ. Буянт-Ухаа боомт дахь Хилийн мэргэжлийн хяналтын албаны улсын /ахлах/ байцаагчид зорчигчдын биеийн халууныг хэмжиж, эрүүл мэндийн тандалт хийж, шаардлагатай бусад арга хэмжээг авч ажиллалаа. Тэднийг 21 хоног тусгаарлах юм.
Энэ талаар ЭМЯ-наас мэдээлэл өгөхдөө “Катараас үүргийн онгоцоор 43 цэргийн алба хаагч ирж байгаа. Тэднийг Цэргийн төв эмнэлэгт тусгаарлана. Шинжилгээ аваад хариуг нь та бүхэнд мэдээлэх болно” гэв.