2024.02.24, Бямба
spot_img
НҮҮРУлс ТөрНээлттэй сонсгол: ХБ-наас авсан зээлээрээ MCS өрөө төлжээ

Нээлттэй сонсгол: ХБ-наас авсан зээлээрээ MCS өрөө төлжээ

Төрийн ордонд Монгол Улсын Хөгжлийн банкнаас санхүүжүүлсэн төсөл, хөтөлбөрийн “хэрэгжилт, үр дүн, зээл олголт, эргэн төлөлтийн явцыг хянан шалгах Түр хорооноос нотлох баримтыг шинжлэн судлах гурав дахь ээлжит сонсгол өнөөдөр /2023.03.13/ болж байна. Нээлттэй сонсголын үеэр олон асуудал ил болж байгаа юм. Жишээ нь, өмнөх нээлттэй сонсголоор “Эрэл” болон “Бэрэн” компанийн эзэд мөрийтэй тоглосон байж болзошгүй гэх асуудал ч хөндөгдөж байсан.

“ACEM ВИЛЛА” төслийн санхүүжилт, шийдвэр гаргалттай холбоотой асуудлыг хэлэлцэхээр Монгол Улсын Ерөнхийлөгч асан Ц.Элбэгдорж, УИХ-ын гишүүн, ЗГХЭГ-ын дарга асан С.Баярцогт, “Скай ресорт” ХХК-ийн эцсийн өмчлөгч Ж.Оджаргал, Оранж капитал ХХК-ийн захирал Т.Баяраа, БОАЖ-ын сайд Б.Бат-Эрдэнэ нарын хүмүүсийг гэрчээр дуудсан байна. Ц.Элбэгдорж, Ж.Оджаргал нар нь гадаадад байгаа учраас биеэр оролцох боломжгүй гэдгээ илэрхийлжээ.

 Мөн сонсгол даргалагчийн урилгаар НПГ-ын прокурор Мөнх-Од, АТГ-аас комиссар Дамдинсүрэн, ЦЕГ-аас Болд, Нямбаяр, Сангийн яамнаас Ш.Бат-Эрдэнэ, Н.Батбаатар нарын албан тушаалтнууд болон Хөгжлийн банкны удирдлагууд оролцов.

Шинжээч : “Асем Вилла” хотхон төслийг хэрэгжүүлэхээр “Скай ресорт” ХХК нь нийт 125 тэрбум төгрөгийн зээлийг Худалдаа хөгжлийн банкаар дамжуулан авчээ.

2014 онд Ази, Европын дээд түвшний 11 дүгээр чуулга уулзалтыг зохион байгуулахаар Ерөнхий сайд Ч.Сайханбилэгээр ахлуулсан Үндэсний зөвлөл байгуулагдсан байдаг. Зөвлөлд, тухайн үеийн Гадаад харилцааны сайд Л.Пүрэвсүрэн, ЕТГ-ын дарга П.Цагаан, Замм тээврийн  сайд М.Зоригт, ХЗ-ийн сайд Д.Дорлигжав, Хотын захирагч Э.Бат-Үүл нарын албан тушаалтнууд багтсан байна. “Асем Вилла” хотхон барихад болон зочид буудлуудад хөнгөлөлтэй зээл олгох шийдвэрүүд Засгийн газраас гарч, Хөгжлийн банкны ТУЗ-д зөвшөөрөл олгосон байгаа юм. Ингээд 2015 онд “Скай ресорт” ХХК-тай гэрээ байгуулж, АСЕМ ВИЛЛА хотхон барих зээл олгожээ.

Хөгжлийн банкнаас олгосон 125 тэрбум төгрөгийн зээлийг Монголбанкны урт хугацаат репо хэлцлээр 65 тэрбум төгрөгийн, төв банкнаас банкинд олгох барьцаат зээлээр 60 тэрбум төгрөгийг  4-7.8 хувийн хүүгийн түвшинд мөнгөжүүлсэн аж.

Энэ нь Худалдаа хөгжлийн банкинд ойролцоогоор 25 тэрбум төгрөгийн хөнгөлөлт үзүүлсэн гэж үзэж болохоор байгаа аж.

АСЕМ ВИЛЛА төсөл нь Богдхан уулын Хүрхрээгийн амны тусгай хамгаалалттай газарт байршсан бөгөөд газар ашиглах гэрээний дагуу ашиглаагүй гэж үзсэн байна. Одоогоор нийт 53 хувийн орон сууц баригдаж, 53 иргэнд борлуулсан байна.

АСЕМ ВИЛЛА-г эзэмшигч нь Скай Ресорт ХХК-ийн эцсийн өмчлөгчөөр Ж.Оджаргал бүртгэлтэй, гүйцэтгэх удирдлагаар А.Батсуурь ажилладаг гэжээ.

АСЕМ ВИЛЛА төслийн санхүүжүүлэхээр авсан 125 тэрбум төгрөгийн зээлийн зарцуулалтыг шинжээч:

  1. Нийт 2 удаагийн гүйлгээгээр 49,2 тэрбум төгрөгөөр Скай ресорт ХХК-ийн ХХБ дахь бизнесийн зээл хаасан.
  2. 806 сая төгрөгийг Хөгжлийн банкны зээлийн хүүнд буцаан олгосон.
  3. 8 тэрбум төгрөгийг Скай ресорт ХХК-ийн Худалдаа хөгжлийн банкинд дахь зээл хаасан.
  4. MCS холдингийн таван дансаар дамжуулан 34.4 тэрбум төгрөгийг Энержи ресурс ХХК-аас гадаад шилжүүлгээр MMC бондын төлбөр хаасан учраас зориулалт бүрэн бус гэж үзэж байна гэв.
Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!