Сүүлийн хоногт ковид-19-ийн халдварын шалтгаант нас баралт долоогоор нэмэдсэн тухай Эрүүл мэндийн яамнаас мэдээллээ. Нас барсан хүмүүсийн тухайд 57-80 насны иргэд бөгөөд бүгд эмнэлэгт хэвтэн эмчлүүлж байсан. Мөн 70 настай эрэгтэй дөрөвдүгээр сарын 26-нд онош нь батлагдаж, эмнэлэгт хэвтэн эмчлүүлж байгаад бөөрний архаг дутагдлын улмаас нас барсан байна.
Өнөөдрийн байдлаар 4869 хүн эмнэлэгт хэвтэн эмчлүүлж байгаа бол гэрийн ажиглалтад 8214 хүн байна. Эмнэлэгт хэвтэн эмчлүүлж буй батлагдсан тохиолдлуудын 2717 нь биеийн байдал хөнгөн байгаа бол 486 хүн хүнд, маш хүнд 121 хүн байна.