Улсын Онцгой Комиссын Шуурхай штабаас мэдээлэл өглөө. Өнгөрсөн гурван удаагийн нислэгээр нийт 28 улсаас Монгол Улсын 800 иргэнийг татан авсан байна. Мөн Монголоос 24 улсын 132 иргэнийг эх орон руу нь буцаах ажиллагааг зохион байгуулжээ. Мөн Турк, Энэтхэг улс руу тусгай үүргийн нислэгийг ойрын хугацаанд хийхээр төлөвлөж байнгаа ГХЯ-ны Консулын газрын дарга Л.Мөнхтүшиг онцоллоо.
“БНСУ-руу нислэг үйлдэх шаардлага бий. Зүүн өмнөд Азид 300 орчим иргэн байна. Татан авах ажлыг зохион байгуулах ажил судалгааны шатанд байна. ОХУ-аас нутаг буцах хүсэлтэй 2000 иргэний нарийвчилсан төлөвлөгөөг бид Элчин сайдын яамтайгаа хамтраад гаргаад ажиллаж байна. Ойрын хугацаанд Орост байгааг оюутан залуус иргэддээ мэдэгдэх болно” гэлээ.