2024.03.28, Thursday
spot_img
НҮҮР1Ерөнхийлөгч Х.Баттулга "Эрэл"-ийн Б.Эрдэнэбатыг суллахыг үүрэгдсэн үү?

Ерөнхийлөгч Х.Баттулга "Эрэл"-ийн Б.Эрдэнэбатыг суллахыг үүрэгдсэн үү?

Нэг үе УИХ-ын гишүүн, Эрчим хүчний сайдаар ажиллаж байсан “Эрэл”-ийн Б.Эрдэнэбат нь дөрвөн жилийн өмнө буюу 2016 онд бусдаас их хэмжээний мөнгө залилсан болон мөнгө угаах гэмт хэрэг үйлдсэн нь шүүхээр тогтоогдож 2020 оны 8-р сарын 06-ны өдөр Хан-Уул Дүүргийн Эрүүгийн шүүхээс 7 жилийн хорих ял шийтгүүлсэн тухай өмнө мэдээлэгдэж байсан.

Шүүхийн шийдвэр гарснаас хойш нэг ч төгрөгийн хохирол төлөөгүй байгаа тэрээр Эрүүгийн хэргийн давж заалдах шатны шүүхэд хандаж гомдол гаргасан юм байна. Уг шүүх хурал нь маргааш буюу 2020 оны 12-р сарын 08-ны өдөр Нийслэлийн Эрүүгийн Давж заалдах шатны шүүхэд товлогджээ. Гэвч уг шүүх хурлыг угтан өнөөдөр “Монголчуудын нэгдсэн онлайн телевиз”/mnworld.tv/ гэсэн пэйж хуудсаар “Монгол Улсын ерөнхийлөгч Х.Баттулга саяхан УДШ-ийн ерөнхий шүүгч Б.Ганзориг болон Нийслэлийн шүүхийн шүүгч нарыг дуудаж, “Эрэл”-ийн Б.Эрдэнбатыг хэргийг мөрдөн байцаалтанд буцааж, Б.Эрдэнэбатыг батлан даалтаар суллах үүрэг өгчээ” гэх мэдээллийг нийтэлсэн байна.

Өгсөн үүргийн дагуу УДШ-ийн ерөнхий шүүгч Б.Ганзориг нь Эрдэнэтын хэргийг хөөцөлдөж байгаа ерөнхийлөгч Х.Баттулгын ойрын хүн Сам.Отгонбаяр, өмгөөлөгч Х.Энхбат, Б.Эрдэнэбатын өмгөөлөгч Отгонбат нар 2020 оны 11-р сард Цонжинболдогийн Морьтой хөшөөний хойно баригдаж байгаа Ерөнхийлөгчийн мэдлийн газарт уулзсан тухай ч мөн мэдээлсэн байна.

Эх сурвалж цааш нь, “Эрэл”-ийн Б.Эрдэнэбат нь Хөгжлийн банк, Хаан банк, Хас банкинд нийтдээ 300 гаруй тэрбум төгрөгийн өртэй, өнөөдрийг хүртэл дээрх банкнуудаас авсан зээлээ төлөөгүй.

Б.Эрдэнэбат нь ерөнхийлөгч Х.Баттулгыг анх 2004 онд өөрийн Эх Орон Намаас нэр дэвшүүлж улс төрд оруулсан хүн. Шударга бусын хонгилыг нураана, шүүхийг шударга болгоно, авилгагүй болгоно гэсэн Ерөнхийлөгч Х.Баттулга өөрийг нь улс төрд хөтлөн оруулж ирсэн “Эрэл”-ийн Эрдэнэтыг суллах үүргийг өөрийн томилдог Ерөнхий шүүгч, шүүгч нарт өгсөн нь шударга ёсонд нийцэх үү? Шүүхийн шийдвэрээр гарсан 20 тэрбумийн хохирлоо төлөөгүй “Эрэл”-ийн Б.Эрдэнэбат ийнхүү Ерөнхийлөгчийн өгсөн үүргийн дагуу удахгүй суллагдахаар боллоо… хэмээн бичсэн байна.

Эх сурвалжmnworld.tv
Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!