2024.05.30, Thursday
spot_img
НҮҮР1Н.Энхбаяр тамганыхаа хөлсийг авав

Н.Энхбаяр тамганыхаа хөлсийг авав

Монгол Улсын Ерөнхийлөгч У.Хүрэлсүх зарлиг гаргаж, Үндэсний аюулгүй байдлын зөвлөлийн/ҮАБЗ/ нарийн бичгийн даргаар Ж.Энхбаярыг томилсон. Тэгвэл ҮАБЗ-ийн зөвлөлийн Стратеги судалгааны хүрээлэнгийн захирлаар Ерөнхийлөгч асан Н.Энхбаярыг томилжээ.  Ерөнхийлөгчийн суудлаа өгснөөс хойш 12 жил суудлаа олохгүй өнхөрч явсан тэрбээр буйраа олсон бололтой.

С.Ганбаатарыг сеск мөрөөдөлтэй нь үлдээж, нэг өдөр Ерөнхийлөгч болох хүслийг нь хязгаарласныхаа төлөө МАН-ын 30 хувиар тамгаа наймаалцсан нь Н.Энхбаярыг улс төрийн том наймаачин болохыг харуулав.

Мөн албан тушаалын төлөө чөтгөртэй ч нэгдэж, нийлж, урваж, долоож чадахын ч бэлгэ тэмдэг боллоо.

Стратеги судалгааны хүрээлэн нь Монгол Улсын үндэсний аюулгүй байдлын чиглэлээр судалгаа, шинжилгээний ажлыг уялдуулах зорилгоор чиг үүргийн байгууллага болон эрдэм шинжилгээ, судалгааны хүрээлэнгүүдтэй хамтран ажилладаг юм байна.

Хүрээлэнгээс хийгддэг судалгаа, шинжилгээний ажлын чиглэл, баримтлах бодлого, сэдвийн хамрах хүрээ нь Үндэсний аюулгүй байдлын үзэл баримтлалд тусгасан үндэсний язгуур ашиг сонирхлыг хангах гадаад, дотоод таатай нөхцөл хангагдсан байхыг гол зарчмаа болгодог байна.

Ерөнхийлөгчийн сонгуулийн өмнө Н.Энхбаяр намаа татан буулгаж, төрхөмдөө эргэн ирсэн. Тэрбээр албан тушаалд очихгүй гэдгээ зарлаж байсан ч хэлсэн үгэндээ хүрсэнгүй.  Түүний хувьд Үндсэн хуулийн цэц болон ҮАБЗ-ийн нарийн бичгийн даргаар очих сонирхолтой байсан. Гэвч, МАН түүний хүслийг биелүүлээгүй ч хоосон үлдээсэнгүй.

Тэрбээр хүүгээ УИХ-ын гишүүн болгохоор сойж яваа. СХД-ийн нөхөн сонгуульд түүний хүү Э.Батшугарыг МАН-аас нэр дэвшүүлэх тохироотойгоор тамгаа худалдсан байдаг.

Н.Энхбаяр ҮАБЗ-ийн  Стратеги судалгааны хүрээлэнгээр очсон нь Үндсэн хуулийг өөрчлөх туйлын сонирхолтой нь холбоотой байхыг үгүйсгэхгүй. Сонгууль болгоноос суусан газраасаа шороо атгадаг ганц хүн Монголын улс төрд ганцхан Н.Энхбаяр байна.

 А.Анар

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!