2024.03.19, Tuesday
spot_img
НҮҮРПопулист МэдээОйн медаль чанаргүй, нимгэн байна

Ойн медаль чанаргүй, нимгэн байна

Төрийн байгуулалтын байнгын хорооны хуралдаанаар “Ардын хувьсгалын 100 жилийн ойн хүндэт медаль бий болгох тухай” Улсын Их Хурлын тогтоолын төслийн анхны хэлэлцүүлгийг өчигдөр хийсэн.

Ардын хувьсгалын 100 жилийн ойн хүрээд Монгол Улсын Ерөнхийлөгчийн зарлигаар 150 мянган хүнд уг медалийг олгохоор төлөвлөжээ. Нэг медаль 15 мянган төгрөгөөр бүтэж байгаа бөгөөд зардлыг нь энэ оны төсөвт суулгажээ.

Хэлэлцэж буй асуудалтай холбогдуулан УИХ-ын гишүүн С.Бямбацогт үг хэлэв. Тэрбээр “100 жилийн медалийн хэмжээ өмнө нь танилцуулснаасаа багасаад, нимгэрчих шиг болох юм. Энэ медаль Ерөнхийлөгчийн зарлигаар олгогдох төрийн өндөр дээр шагнал. Сая МАН-ын 100 жилийн ойн медалийн чанар, хийцийг бид харсан. Тэрнээс илүү байх ёстой юм. Чанаргүй, дугааргүй, нимгэн хэр нь үнэ нь өндөр байна. Яагаад өмнө нь оруулж ирсэн эх загвараа өөрчлөөд байгаа юм бол. Хариулт өгөөч” гэв.

Соёлын дэд сайд М.Батбаяр: Медалийн загварын уралдаан зарлахад нийт 14 уран бүтээлч оролцсон бөгөөд тэндээс шалгаруулсан. Засгийн газрын хуралдаанд хоёр удаа танилцуулж, дэмжсэний үндсэн дээр УИХ-д оруулж ирсэн.

Хэмжээний тухайд сайжруулахын тулд бага зэрэг өөрчлөлт оруулсан. Тухайлбал хамгийн зузаан хэсэгтээ 6 мм гэж байсныг 5.6 мм болгон өөрчилсөн.

Медалийн эх загвар бүтээгч “Рояал групп” компанийн захирал н.Төмөрбаатар: Медалийн загварыг үйлдвэр дээр нь аваачиж үзүүлсний үндсэн дээр тохирсон хэмжээгээр нь өөрчилж, сайжруулсан гэлээ.

Д.Шоовдор

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!