Зургадугаар сар дундаа орох дөхөж байгаа ч зун болоогүй байгаа шиг Ерөнхийлөгчийн найм дахь удаагийн сонгуулийн сурталчилгаа дуусч байхад мэтгэлцээн болох эсэх нь тодорхойгүй байна. Хэдийгээр нэр дэвшигчдийн төлөөллүүд МҮОНРТ-ийн удирдлагуудтай уулзсан ч тодорхой шийдэлд хүрээгүй, энэ нь ХҮН-ын нэр дэвшигч Д.Энхбат ковид-19-ийн халдвар авч эмнэлэгт тусгаарлагдсантай холбоотой аж.
Уг нь Ерөнхийлөгчийн сонгуулийн сурталчилгааны оргил цаг нь МЭТГЭЛЦЭЭН байдаг. Гэтэл одоог хүртэл мэтгэлцэх эсэхээ шийдээгүй, тохироогүй, мэтгэлцэхгүй ч байж мэдэх дүр зураг харагдаж байна.
Саналаа хэнд өгөхөө хараахан шийдээгүй сонгогчдод мэтгэлцээнээс сонголтоо хийх нь бий. Өнгөрсөн 2017 оны сонгуулиар М.Энхболдыг намынхных нь бэлтгэсэн пялдага асуулт “алсан”. Тиймээс энэ удаад МАН-ын нэр дэвшигч У.Хүрэлсүх болгоомжтой хандаж байна. Учир нь, тэр хасах оноос авахаас айж буй бол С.Эрдэнэ мэтгэлцээн явуулахыг шаардах болсон. Харин Д.Энхбат онлайн хэлбэрээр мэтгэлцээнд оролцох сонирхолтой байгаа юм байна.
А.Анар