Монгол Улсын Ерөнхий сайд Л.Оюун-Эрдэнэ өнөөдөр /2021.05.18/ соёлын бүтээлч салбарынхантай уулзаж байна.
Энэ үеэр Ерөнхий сайд Л.Оюун-Эрдэнэ “Шинжлэх ухааныг мөнгөөр харах хэрэгтэй байна. Ном, зохиол олон зүйл хийж байгаа, тэр нь зөв. Гэхдээ уламжлалт байдлаа зах зээлтэйгээ уях ёстой байна. Гадаад зах зээлд гарах бүх контентыг Засгийн газар дэмжинэ. Үүнийг бид эдийн засаг гэж харна. Жишээ нь, манай кино урлагийн салбарынхан кино хийгээд олон улсын зах зээлд гаргахыг хүсэж байгаа бол Засгийн газар дэмжинэ. Хамгийн том наадамд та бүхнийгээ аваад очьё. Шаардлагатай бол Ерөнхий сайдын айлчлал хийе, хамт очно. Магадгүй гадаадынхан ирж Монголд кино хийх гэж байгаа бол татварыг нь хөнгөлж болж байна. Монголд ирэх нь амархан гэдэг ойлголтыг дэлхийд түгээе” хэмээн онцоллоо.
Түүнчлэн “Манай урлагийн салбарынхан бие биенээ хүлээн зөвшөөрдөггүй. Тэгсэн хэр нь дэлхийд хүлээн зөвшөөрөгдсөн хүн цөөхөн. Засгийн газрын хувьд ч шүүмжлэлтэй ханддаг олон зүйл бий. Гэхдээ Ерөнхий сайдын хувьд энэ салбарт эс үйлдэл хийхгүй. Энэ албан тушаалыг зүгээр өнгөрүүлэхгүй, та бүхнийг нэг алхах аваас би хоёр алхахыг хичээнэ. Уул уурхайн салбартай дүйцэхүйц орлого оруулдаг, хүлээн зөвшөөрдөг соёлын бүтээлч салбарыг хамтдаа бүтээхийн төлөө хамтарч ажиллахыг хүсэж байна” гэж ярилаа.
Юу яриад байгаа юм. Хэн ямар кино хийх гээд байгааюм. Монгол 90 оноос хойш кино хийсэнгүй. Киноноос хийсэн. Хошин шог ихсэх нь улс орон доройтож байгаа шинж гэсэн байдаг. Хэн дуртай нь хэдэн хөдөлгөөн дараад түүнийгээ кино гэж нэрлэдэг болж.