ЗГХЭГ-ын Ц.Нямдоржтой холбоотой нэгэн бичлэг задарч, олон нийтийн сүлжээнд багагүй лайк, шейр цуглуулаад байна.
Тэрбээр өчигдөр /2021.04.15/ өглөө 00-52 УБҮ улсын дугаартай “Lexus 570” маркын автомашиныг жолоодож явахдаа зам дээр тогтосон усыг хурдтай туулж, иргэд рүү цацсан нь уг бичлэгт үлджээ.
Гарцаар гарч явсан иргэд түүнээс уучлалт гуйхыг шаардахад гавъяат хуульч, шударга эх оронч маань төдийлөн ойшоолгүй, “За уучлалт гуйж” байна гэх тохуурхсан маягтай хариулт өгсөн нь ч бичигдэв. Төрийн ордны ширээн дээр гутлаа тавьж байгаад үддэг, яхир Ц.Нямдоржоос ийм дээрэнгүй, “танхай” үйлдэл гарах нь элбэг. Гэхдээ үүнийгээ шударга гэдгээр хайцаалдаг хүн. Бүсээ зүүдэггүй, дугаарын хязгаарлалт үйлчилдэггүй, торгуулиа төлдөггүй ЗГХЭГ-ын даргад хууль, шүүх нь ямар арга хэмжээ авахыг харцгаая. Зөрчлийн тухай хуулиар бол багагүй л торгууль хүлээх дэг ээ.
Сайд асан Ц.Нямдорж
-Машин барихдаа бүсээ зүүдэггүй
-Маскаа зөв зүүдэггүй
-Дугаарын хязгаарлалттай өдөр чөлөөтэй явдаг
-Явган намайг шавхайтай усаар будчаад би мэдсэнгүй уучлаарай гэх
-Бичлэг хийхээс өмнөх авир нь бол тун эвгүй
-Өөрсдөө хуулиа ингэж мөрддөг
RT хийгээд өгөөрэй! 🙌 pic.twitter.com/T6L5JE6VVZ— Батка (@baterdene_a) April 16, 2021