2024.03.29, Friday
spot_img
НҮҮРДэлхийГазрын тосны ханш өсч болзошгүй байна

Газрын тосны ханш өсч болзошгүй байна

Бямба гарагийн /2019.09.14/ үүрээр Саудын Араб улсын Абхайк болон Хурайсын газрын тосны талбай халдлагад өртсөн.

Энэхүү халдлагад Иран улсыг буруутгаж АНУ-ын Төрийн нарийн бичгийн дарга Майк Помпео “Ираны эрх баригчид дипломат харилцаа тогтоох дүр эсгэсэн энэ хугацаанд Саудын Араб руу 100 удаа халдсан. Үүний цаана Тегран байсан. Тэд нийлүүлэлтийг бууруулах бүхий л арга хэмжээнийхээ хүрээнд дэлхийн газрын тосны нийлүүлэлтэд урьд хожид байгаагүй халдлага үйлдлээ.

Халдлага Йемен улсаас үйлдсэн байх ямар ч нотолгоо алга” гэж өөрийн твиттер хуудсаар жиргэсэн. Иран улс уг ажиллагаатай холбоогүй гэж няцаасан ч дайнд бүрэн бэлтгэлтэй байгаагаа мэдэгдээд байна.

Харин Йемен улсын Хутын босогчид 10 дрон ашиглан дэлхийн хамгийн том газрын тосны ханган нийлүүлэгч Саудын Арабын гол хэсгүүдэд халдснаа мэдэгдсэн юм. Халдлагад өртсөн Абхайк нь дэлхийн хамгийн том газрын тосны үйлдвэр бол Хурайс нь 20 тэрбумын нөөцтэй өдөрт 1 сая баррель нефть олборлодог Саудын Арабын хоёр дахь том газрын тосны талбай бөгөөд эдгээр нь дэлхийн газрын тосны нийлүүлэлтийн 5 хувийг эзэлдэг. Халдлагын улмаас дэлхийн зах зээл дээр Брент маркийн газрын тосны үнэ 20 хувь өсч 70 ам.долларыг шүргээд эргээд тогтворжих хандлагатай байна гэж санхүүгийн шинжээчид тайлбарласан.

Тэд Саудын Араб улсын өдөрт олборлох газрын тосны хэмжээ 5.7 сая баррелаар танагдсан бөгөөд богино хугацаанд хэвийн хэмжээндээ (9.8 сая) хүрэхгүй бол газрын тосны ханш баррель тутамдаа 5-аас 10 ам.доллараар нэмэгдэнэ.

Энэ нь жижиглэнгийн үнэд 10-аас 24 центээр (270-аас 650 төг) нэмэгдэнэ гэж тооцжээ. Учир нь АНУ-ын газрын тосны импортын өдрийн хэрэглээ 9.93 сая баррель бөгөөд үүний 9 хувийг Саудын Араб улсаас импорлосон талаар 2018 оны Засгийн газрын тайланд тусгагдсан байна.

Манай улс түлш, шатахууныхаа хэрэглээг 100 хувь импортоор хангадаг. Үүнээс 95 орчим хувийг ОХУ-аас авдаг бөгөөд хилийн үнийг 2014 оноос Сингапурын бирж дээрх түүхий нефтийн ханшийн хөдөлгөөнтэй уялдуулж, сар бүр шинэчлэн тогтоодог болсон. Иймд хэрэв дэлхийн зах зээл дээр газрын тосны үнэ нэмэгдвэл ирэх сараас бид үнэтэй шатахуун хэрэглэх нөхцөл үүсч болзошгүй байна.

Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!