2024.03.28, Thursday
spot_img
НҮҮРДэлхийОрос, Хятад үүдээ хаалаа

Орос, Хятад үүдээ хаалаа

Шинэ коронавирусын халдвар дэлхийн 201 орон тархаж, улс орнууд хаалга, үүдээ түгжиж эхэллээ.  Ихэнх улс орон гадаадын иргэдийг хил нэвтрүүлэхгүй байх шийдвэр гаргаж, зарим ч тусгай үүргийн онгоц нисгэхгүй гэдгээ ч зарлаад байна. Монголын хоёр хөршид байдал эвгүйтэж, Хятад улсад гаднаас халдвар зөөвөрлөгчдийн тоо нэмэгдэж байгаа тул мөн л хилээ хаах шийдвэр гаргажээ.

ОРОС

Хойд хөршид коронавирусийн халдвар авсан хүний тоо хоногийн дотор 182-оор нэмэгдэж, 840 болов. Орос гурван хүн уг халдвараар өвчилж нас барсан. Тиймээс В.Путины засаг захиргаа 2020 оны гуравдугаар сарын 27-ны шөнөөс олон улсын болон чартерийн бүх нислэгээ түр зогсоох шийдвэр гаргажээ. Энэ талаар Оросын иргэний агаарын тээврийн “Росавиация” мэдэгдэж, Засгийн газраас тусгайлан зөвшөөрсөн чартер нислэг  хийгдэхийг зарлажээ.  ОХУ-ын Засгийн газраас гадаадад хөл хорионд орж, эх орондоо эргэн ирэх боломжгүй болсон иргэдээ аль болох халдвараас сэргийлэх арга хэмжээг авч, эсэн мэнд байхыг зөвлөсөн байна. ОХУ өнгөрсөн долоо хоногоос гадаадын иргэдийг хилээр нэвтрүүлэхгүй байгаа бөгөөд Москва хотод илүү хатуу арга хориг тавьжээ.

ХЯТАД

Хятад улсад гадаадаас зөөвөрлөгдсөн бүртгэгдсэн коронавирусийн халдварын тохиолдлууд нэмэгдэж буй тул өнөөдөр /2020.03.27/-өөс гадаадын иргэдийг хилээрээ нэвтрүүлэхгүй байх шийдвэр гаргажээ. Хятад руу ирж байгаа зорчигчдын 90 хувь нь Хятад улсын иргэд, тэдгээрийн 40 орчим хувь нь оюутнууд байгаа гэнэ.

Ням гаригаас эхлэн Хятадын иргэний нислэгийг удирдах газар шинэ хязгааарлалтын журам хэрэгжүүлэхээр болжээ. Уг журамд зааснаар,

  • Хятадын бүх авиа компани гадаадын нэг улсаас нэг хотын чиглэлд долоо хоногт ганц удаа нисэх
  • Нислэгийн суудал нь 75 хувиас хэтрэхгүй дүүрэлттэй байх
  • Гадаадын авиа компани бүр долоо хоногт нэг удаа Хятадын ганцхан хотын чиглэлд нислэг үйлдэх шийдвэрийг гаргасан байна.
Холбоотой мэдээ

СЭТГЭГДЭЛ ҮЛДЭЭХ

Сэтгэгдэл оруулна уу!
энд нэрээ оруулна уу
Captcha verification failed!
Captcha хэрэглэгчийн оноо амжилтгүй боллоо. бидэнтэй холбоо барина уу!