Шинэ коронавирусийн халдварт хамгийн ихээр өртөж, амиа алдаж байгаа хүмүүс бол ахмад настнууд. Гэхдээ ахмад настнууд ч эдгэж болохыг Швейцарийн 80 настай эмэгтэй, Өмнөд Солонгосын иргэн 96 настай эмэгтэй нар харууллаа. Тэд COVID-19 өвчний дараа бүрэн эдгэрсэн улсынхаа хамгийн өндөр настай өвчтөн болжээ. Өмнөд Солонгосын Чёндо аймгийн оршин суугч эмэгтэй өчигдөр буюу Лхагва гарагт эмнэлгээс гарч, гэртээ харьсан байна. Тус аймаг нь Өмнөд Солонгосын коронавирусийн тархалтын гол төв Дэгү хоттой ойрхон оршдог юм. Гуравдугаар сарын 13-ны өдөр халдвар авсан нь тогтоогдсон эмэгтэй Дэгү хотын Похан эмнэлгийн эрчимт эмчилгээний тасагт хэвтэж байжээ.
Похан эмнэлэгт одоо 103 настай бас нэг өвчтөн эмчлүүлж, бие нь сайжирч байгаа гэнэ.
Эх сурвалж: CNN