Хөгжлийн банкны гүйцэтгэх захирал Г.Амартүвшин өнгөрсөн 2019.12.31-нд өөрийн хүсэлтээр ажлаа өгсөн байна.
Тэрбээр “шарк” Г.Амартүвшин гэдгээрээ олон нийтэд танигдсан, нэрт эрдэмтэн Бямбын Ренчингийн зээ хүү юм. Тэрбээр 2019 оны 5 дугаар сард Хөгжлийн банкны гүйцэтгэх захирлаар томилогдсон юм. Үүнээс өмнө “Хас” банкны гүйцэтгэх захирлаар ажиллаж байсан банкны салбартаа урьдаа барьдаг гүйцэтгэх захирлуудын нэг юм. Түүнийг ажлаа өгөх шалтгааныг МАН-аас нэр дэвших болсонтой холбон тайлбарлаж байгаа.
Гэхдээ Хөгжлийн банкны ТУЗ үргэжлүүлэн ажиллахыг зөвшөөрөөгүй гэсэн мэдээлэл ч явж байна. Ямартаа ч Хөгжлийн банкны гүйцэтгэх захирлаар ажиллаж байхдаа багагүй ажил амжуулсан, мөн дарамт шахалт ч ихтэй байсан гэдгийг хэлэх хүмүүс байна.
Оны өмнө хийсэн тайлангийн хурлын үеэр “Миний хувьд зургаан сарын хугацаатай, гэрээгээр ажилласан. ТУЗ-өөс намайг үргэлжлүүлэн ажиллуулах эсэхийг удахгүй шийднэ. Би ямартай ч мэргэжлийн банкир хүний хувьд салбартаа ажиллана гэсэн бодолтой байгаа” гэж хэлж байсан билээ. Түүний оронд гадаадаас банкир урьж ажиллуулахаар болсон гэх яриа ч сонсогдож байна.