Нүүрсний хэрэг Монголд бөмбөг тэслэж байна. Парламентынх нь нэр бүхий гишүүд, Экс Ерөнхий сайд Х.Баттулга нарын 17 улстөрчийг АТГ-аас нэрлэлээ. Үнэндээ Монголын баялаг эрх мэдэл ойр цөөн хүмүүсийн гараар урсдаг, халаасанд ордог, нийт олонх нь баялгаас хувь хүртэх бүү хэл хусам ч долоолж чаддаггүй ирсэн. Үүнийг өөрчлөхийн тулд баялгийн эзэн болсон ард түмэндээ тэгш хүртээмжтэй хүргэх ёстой гэсэн бодлогыг Ерөнхийлөгч У.Хүрэлсүх Ерөнхий сайд байхаасаа дэвшүүлж “Өнгөрсөн хугацаанд хэрэгжүүлсэн ажлын нэг бол хууль бусаар алдагдсан улсын үйлдвэрийн газар, орд баялгаа төрдөө авах ажлыг хийсэн.
Байгалийн баялаг бол хэн нэгний бүтээсэн зүйл биш бурхны хишиг тул Монголын иргэн бүр ижил тэнцүү хүртээх ёстой.
Тиймээс Баялгийн сан байгуулж, бүтээн байгуулалтын ажил хийх, иргэддээ ногдол ашгийг нь хүртээхийн төлөө ажиллах хэрэгтэй” гэсэн байр сууриа байнга илэрхийлж ирсэн. Үнэндээ өнөөдрийн яригдаад байгаа нүүрсний хулгай байгалийн баялаг хэдхэн хүний халаасыг хэрхэн хөлжүүлсний тод жишээ юм. Тэд байгалийг баялгийн хэдүүлээ хувааж идээд зогсохгүй иргэдийнхээ улс төр, эдийн засаг, нийгэм, боловсрол эрүүл мэндийн бүхий л боломжийг хулгайлж байна. Тэд хулгайлсан баялгаараа хууль шүүхийг худалдан авч, үр хүүхдүүддээ өндөр боловсрол олгож байна. Үүнийг л цэгцлэх ажлыг У.Хүрэлсүх гүйцэтгэх засаглалын тэргүүн байхдаа эхлүүлсэн. Товчхондоо, У.Хүрэлсүх уул уурхайн хулгай, хуйвалдааныг эцэслэж цэглэж, иргэдийн илүү боломж, амьдрал, ашиг орлого болгоныг хумсалсан хулгайлсан болгонтой ил тод тэмцэх болсон билээ.
Б.БОР